Jv/Alkitab/Wilangan/26

^26:1 (13:3)ꦧꦉꦁꦥꦲꦸꦏꦸꦩ꧀ꦩꦤ꧀ꦤꦺꦮꦶꦱ꧀ꦱꦶꦉꦥ꧀꧈​ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂ꧈​ꦲꦤꦏ꧀ꦏꦺꦲꦶꦩꦩ꧀ꦲꦫꦸꦤ꧀꧈​

^26:2 "ꦏꦺꦴꦮꦺꦔꦤꦏ꧀ꦤꦕꦕꦃꦗꦶꦮꦲꦶꦁ​꧊ꦆꦱꦿꦲꦺꦭ꧀꧈​ꦩꦤꦸꦠ꧀ꦧꦿꦪꦠ꧀ꦠꦺꦝꦺꦮꦺꦝꦺꦮꦺ꧉​ꦮꦺꦴꦁꦭꦤꦁꦱꦶꦁꦲꦸꦩꦸꦂꦫꦺꦴꦁꦥꦸꦭꦸꦃꦠꦲꦸꦤ꧀ꦩꦸꦁꦒꦃ꧈​ꦱꦶꦁꦧꦶꦱꦢꦢꦶꦠꦼꦤ꧀ꦠꦫꦏꦸꦢꦸꦏꦺꦴꦏ꧀ꦕꦛꦼꦠ꧀꧉"​

^26:3 (26:3-4)​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂꦤꦸꦭꦶꦥꦝꦠꦸꦩꦶꦤ꧀ꦢꦏ꧀꧉​ꦏꦧꦺꦃꦮꦺꦴꦁꦭꦤꦁꦱꦶꦁꦲꦸꦩꦸꦂꦫꦺꦫꦺꦴꦁꦥꦸꦭꦸꦃꦠꦲꦸꦤ꧀ꦩꦸꦁꦒꦃꦢꦶꦲꦸꦤ꧀ꦢꦁ꧈​ꦧꦚ꧀ꦗꦸꦂꦢꦶꦏ꧀ꦭꦸꦩ꧀ꦥꦸꦏ꧀ꦏꦏꦺꦲꦶꦁꦠꦤꦃꦔꦫꦺ​꧊ꦩꦺꦴꦮꦧ꧀꧈​ꦲꦶꦁꦱꦶꦱꦶꦃꦮꦺꦠꦤꦺꦏꦭꦶ​꧊ꦪꦂꦢꦺꦤ꧀꧈​ꦕꦼꦝꦏ꧀ꦏꦸꦛ​꧊ꦪꦺꦫꦶꦏꦺꦴ꧉​ꦲꦶꦏꦶꦮꦺꦴꦁꦮꦺꦴꦁꦱꦶꦁꦩꦼꦠꦸꦱꦏꦠꦤꦃ​꧊ꦩꦺꦱꦶꦂ:

^26:4 (26:3)

^26:5 ꦱꦏꦠꦊꦂ​꧊ꦫꦸꦧꦺꦤ꧀꧌ꦲꦤꦏ꧀ꦥꦼꦩ꧀ꦧꦉꦥ꧀ꦥꦺ​꧊ꦪꦏꦸꦧ꧀꧍​ꦠꦸꦫꦸꦤ꧀ꦲꦺꦤꦺꦴꦃ꧈​ꦠꦸꦫꦸꦤ꧀ꦥꦭꦸ꧈​

^26:6 ꦠꦸꦫꦸꦤ꧀ꦲꦺꦗ꦳ꦿꦺꦴꦤ꧀ꦭꦤ꧀ꦠꦸꦫꦸꦤ꧀ꦏꦂꦩꦶ꧉​

^26:7 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ43.730꧉​

^26:8 ꦱꦶꦁꦱꦏꦠꦸꦫꦸꦤ꧀ꦥꦭꦸ:​꧊ꦌꦭꦶꦪꦧ꧀꧈​

^26:9 ꦭꦤ꧀ꦲꦤꦏ꧀ꦲꦤꦏ꧀ꦏꦺ​꧊ꦌꦭꦶꦪꦧ꧀ꦪꦏꦸꦮꦶ:​꧊ꦤꦺꦩꦸꦮꦺꦭ꧀꧈​​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧉​​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀ꦏꦸꦮꦶꦱꦶꦁꦢꦶꦥꦶꦭꦶꦃꦢꦺꦤꦶꦁꦮꦺꦴꦁꦲꦏꦺꦃꦔ꧀ꦭꦮꦤ꧀ꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​ꦧꦚ꧀ꦗꦸꦂꦢꦢꦶꦱꦶꦗꦶꦏꦫꦺꦴꦒꦺꦴꦭꦺꦴꦁꦔꦤ꧀ꦤꦺ​꧊ꦏꦺꦴꦫꦃ꧈​ꦩ꧀ꦧꦿꦺꦴꦤ꧀ꦠꦏ꧀ꦩꦫꦁꦄꦭ꧀ꦭꦃ꧉​

^26:10 ꦊꦩꦃꦱꦶꦁꦢꦶꦲꦶꦢꦏ꧀ꦏꦶꦩ꧀ꦭꦼꦏꦃ꧈​ꦩꦔꦥ꧀꧈​ꦧꦚ꧀ꦗꦸꦂꦔꦸꦤ꧀ꦠꦭ꧀ꦮꦺꦴꦁꦮꦺꦴꦁꦩꦲꦸꦧꦉꦁꦏꦫꦺꦴ​꧊ꦏꦺꦴꦫꦃꦱꦏꦚ꧀ꦕꦏꦚ꧀ꦕꦤꦺ;ꦤꦭꦶꦏꦱꦼꦩꦤꦮꦺꦴꦁꦭꦤꦁꦱꦶꦁꦩꦠꦶꦕꦕꦃꦲꦺ250꧈​ꦏꦼꦧꦿꦔꦱ꧀ꦲꦶꦁꦒꦼꦤꦶ꧉​ꦏꦸꦮꦶꦏꦁꦒꦺꦴꦔꦺꦭꦶꦁꦔꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀꧉​

^26:11 ꦲꦤꦏ꧀ꦲꦤꦏ꧀ꦏꦺ​꧊ꦏꦺꦴꦫꦃꦝꦺꦮꦺꦲꦺꦴꦫꦏꦠꦸꦠ꧀ꦩꦠꦶ꧉​

^26:12 ꦱꦏꦠꦊꦂ​꧊ꦱꦶꦩꦺꦪꦺꦴꦤ꧀:ꦠꦸꦫꦸꦤ꧀​꧊ꦤꦺꦩꦸꦮꦺꦭ꧀꧈​​꧊ꦪꦩꦶꦤ꧀꧈​ꦪꦏꦶꦤ꧀꧈​

^26:13 ​꧊ꦗ꦳ꦺꦫꦃꦭꦤ꧀​꧊ꦱꦲꦸꦭ꧀꧉​

^26:14 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ22.200꧉​

^26:15 ꦱꦏꦠꦊꦂ​꧊ꦒꦢ꧀:ꦠꦸꦫꦸꦤ꧀​꧊ꦗ꦳ꦺꦥ꦳ꦺꦴꦤ꧀꧈​ꦠꦸꦫꦸꦤ꧀ꦲꦒꦶ꧈​ꦠꦸꦫꦸꦤ꧀ꦱꦸꦤꦶ꧈​

^26:16 ꦠꦸꦫꦸꦤ꧀ꦎꦗ꦳꧀ꦤꦶ꧈​ꦠꦸꦫꦸꦤ꧀​꧊ꦌꦗ꦳ꦿꦶ꧈​

^26:17 ꦠꦸꦫꦸꦤ꧀ꦄꦫꦺꦴꦢ꧀ꦭꦤ꧀ꦠꦸꦫꦸꦤ꧀ꦄꦫꦺꦭꦶ꧉​

^26:18 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦏꦸꦮꦶ40.500꧉​

^26:19 (26:19-21)ꦱꦏꦠꦊꦂ​꧊ꦪꦺꦲꦸꦢ:ꦠꦸꦫꦸꦤ꧀​꧊ꦱꦺꦭ꧈​ꦠꦸꦫꦸꦤ꧀ꦥꦺꦫꦺꦱ꧀꧈​ꦠꦸꦫꦸꦤ꧀ꦗ꦳ꦺꦫꦃ꧈​ꦠꦸꦫꦸꦤ꧀ꦲꦗ꦳ꦺꦴꦤ꧀ꦭꦤ꧀​꧊ꦲꦩꦸꦭ꧀꧉​ꦲꦤꦏ꧀ꦏꦺꦭꦤꦁ​꧊ꦪꦺꦲꦸꦢ:​꧊ꦌꦂꦭꦤ꧀​꧊ꦎꦤꦤ꧀ꦮꦶꦱ꧀ꦩꦠꦶꦲꦶꦁꦠꦤꦃ​꧊ꦏꦺꦤꦲꦤ꧀꧉​

^26:20 (26:19)

^26:21 (26:19)

^26:22 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦏꦸꦮꦶ76.500꧉​

^26:23 ꦱꦏꦠꦊꦂ​꧊ꦆꦱꦏꦂ:ꦠꦸꦫꦸꦤ꧀​꧊ꦠꦺꦴꦭ꧈​ꦠꦸꦫꦸꦤ꧀ꦥꦸꦲ꧈​

^26:24 ​꧊ꦪꦱꦸꦧ꧀ꦭꦤ꧀​꧊ꦱꦶꦩꦿꦺꦴꦤ꧀꧉​

^26:25 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ64.300꧉​

^26:26 ꦱꦏꦠꦊꦂ​꧊ꦗ꦳ꦺꦧꦸꦭꦺꦴꦤ꧀:ꦠꦸꦫꦸꦤ꧀​꧊ꦱꦺꦫꦺꦢ꧀꧈​ꦠꦸꦫꦸꦤ꧀ꦌꦭꦺꦴꦤ꧀ꦭꦤ꧀ꦠꦸꦫꦸꦤ꧀ꦪꦭꦺꦲꦺꦭ꧀꧉​

^26:27 ꦕꦕꦃꦲꦺꦮꦺꦴꦁꦭꦤꦁꦲꦶꦁꦠꦸꦫꦸꦤ꧀ꦏꦸꦮꦶ60.500꧉​

^26:28 ​꧊ꦪꦸꦱꦸꦥ꦳꧀ꦲꦤꦏ꧀ꦏꦺꦭꦤꦁꦭꦺꦴꦫꦺꦴ꧈​ꦠꦊꦂ​꧊ꦩꦤꦱꦾꦺꦭꦤ꧀ꦠꦊꦂ​꧊ꦌꦥ꦳ꦿꦲꦶꦩ꧀꧉​

^26:29 ꦱꦏꦠꦊꦂ​꧊ꦩꦤꦱꦾꦺ:​꧊ꦩꦏꦶꦂ꧈​ꦲꦤꦏ꧀ꦏꦺ​꧊ꦩꦤꦱꦾꦺ꧉​​꧊ꦩꦏꦶꦂꦢꦸꦮꦺꦲꦤꦏ꧀​꧊ꦒꦶꦭꦺꦪꦢ꧀꧉​​꧊ꦒꦶꦭꦺꦪꦢ꧀ꦤꦸꦫꦸꦤ꧀ꦤꦏꦺꦠꦸꦫꦸꦤ꧀ꦠꦸꦫꦸꦤ꧀:

^26:30 ​꧊ꦆꦗ꦳ꦺꦂ꧈​​꧊ꦲꦺꦭꦺꦏ꧀꧈​

^26:31 ​꧊ꦄꦱꦿꦶꦪꦺꦭ꧀꧈​​꧊ꦱꦺꦏꦺꦩ꧀꧉​

^26:32 ​꧊ꦱꦺꦩꦶꦢꦭꦤ꧀​꧊ꦲꦺꦥ꦳ꦺꦂ꧉​

^26:33 ​꧊ꦗ꦳ꦺꦭꦥ꦳ꦺꦲꦢ꧀꧈​ꦲꦤꦏ꧀ꦏꦺ​꧊ꦲꦺꦥ꦳ꦺꦂ꧈​ꦲꦺꦴꦫꦢꦸꦮꦺꦲꦤꦏ꧀ꦭꦤꦁ꧈​ꦩꦸꦁꦮꦢꦺꦴꦤ꧀ꦛꦺꦴꦏ꧀꧉​ꦗꦼꦤꦼꦁꦔꦺ:​꧊ꦩꦃꦲ꧀ꦭ꧈​​꧊ꦤꦺꦴꦮ꧈​​꧊ꦲꦺꦴꦒ꧀ꦭ꧈​​꧊ꦩꦶꦭ꧀ꦏꦭꦤ꧀​꧊ꦠꦶꦂꦗ꦳꧉​

^26:34 ꦕꦕꦃꦲꦺꦮꦺꦴꦁꦭꦤꦁꦲꦶꦁꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ52.700꧉​

^26:35 ꦱꦏꦠꦊꦂ​꧊ꦌꦥ꦳ꦿꦲꦶꦩ꧀:ꦠꦸꦫꦸꦤ꧀​꧊ꦱꦸꦠꦺꦭꦃ꧈​ꦠꦸꦫꦸꦤ꧀ꦧꦺꦏꦼꦂꦭꦤ꧀ꦠꦸꦫꦸꦤ꧀ꦠꦲꦤ꧀꧉​

^26:36 ꦠꦿꦃ​꧊ꦌꦫꦤ꧀ꦏꦸꦮꦶꦲꦤꦏ꧀ꦠꦸꦫꦸꦤꦺ​꧊ꦱꦸꦠꦺꦭꦃ꧉​

^26:37 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ32.500꧉​ꦏꦸꦮꦶꦏꦧꦺꦃꦲꦤꦏ꧀ꦠꦸꦫꦸꦤꦺ​꧊ꦪꦸꦱꦸꦥ꦳꧀꧉​

^26:38 ꦱꦏꦠꦊꦂ​꧊ꦧꦺꦚꦩꦶꦤ꧀:ꦠꦸꦫꦸꦤ꧀​꧊ꦧꦺꦭ꧈​ꦠꦸꦫꦸꦤ꧀ꦄꦱ꧀ꦧꦺꦭ꧀꧈​ꦠꦸꦫꦸꦤ꧀ꦄꦲꦶꦫꦩ꧀꧈​

^26:39 ꦠꦸꦫꦸꦤ꧀ꦱꦺꦥ꦳ꦸꦥ꦳ꦩ꧀ꦭꦤ꧀ꦠꦸꦫꦸꦤ꧀ꦲꦸꦥ꦳ꦩ꧀꧉​

^26:40 ꦠꦸꦫꦸꦤ꧀​꧊ꦄꦫꦺꦢ꧀ꦭꦤ꧀ꦠꦸꦫꦸꦤ꧀ꦤꦲꦩ꧀ꦩꦤ꧀꧈​ꦏꦸꦮꦶꦲꦤꦏ꧀ꦠꦸꦫꦸꦤꦺ​꧊ꦗ꦳ꦺꦭ꧉​

^26:41 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ45.600꧉​

^26:42 ꦱꦏꦠꦊꦂ​꧊ꦝꦤ꧀:ꦠꦸꦫꦸꦤ꧀​꧊ꦱꦸꦲꦩ꧀;

^26:43 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦩꦲꦸ64.400꧉​

^26:44 ꦱꦏꦠꦊꦂ​꧊ꦄꦱꦾꦺꦂ:ꦠꦸꦫꦸꦤ꧀​꧊ꦪꦶꦩ꧀ꦤ꧈​​꧊ꦪꦶꦱ꧀ꦮꦶꦭꦤ꧀​꧊ꦧꦺꦫꦶꦪ꧉​

^26:45 ꦠꦸꦫꦸꦤ꧀ꦤꦺ​꧊ꦲꦺꦧꦺꦂꦭꦤ꧀ꦠꦸꦫꦸꦤ꧀ꦤꦺ​꧊ꦩꦭ꧀ꦏꦶꦪꦺꦭ꧀ꦏꦸꦮꦶꦲꦤꦏ꧀ꦠꦸꦫꦸꦤꦺ​꧊ꦧꦺꦫꦶꦪ꧉​

^26:46 ​꧊ꦄꦱꦾꦺꦂꦢꦸꦮꦺꦲꦤꦏ꧀ꦮꦢꦺꦴꦤ꧀ꦗꦼꦤꦼꦁꦔꦺ​꧊ꦱꦺꦫꦃ꧉​

^26:47 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦏꦸꦮꦶ53.400꧉​

^26:48 ꦱꦏꦠꦊꦂ​꧊ꦤꦥ꦳꧀ꦠꦭꦶ:ꦠꦸꦫꦸꦤ꧀​꧊ꦪꦃꦗ꦳ꦺꦪꦺꦭ꧀꧈​​꧊ꦒꦸꦤꦶ꧈​

^26:49 ​꧊ꦪꦺꦗ꦳ꦺꦂꦭꦤ꧀​꧊ꦱꦶꦭꦺꦩ꧀꧉​

^26:50 ꦕꦕꦃꦲꦺꦮꦺꦴꦁꦭꦤꦁꦱꦏꦠꦸꦫꦸꦤ꧀ꦠꦸꦫꦸꦤ꧀ꦩꦲꦸ45.400꧉​

^26:51 ꦕꦕꦃꦲꦺꦮꦺꦴꦁꦭꦤꦁꦲꦶꦁ​꧊ꦆꦱꦿꦲꦺꦭ꧀ꦏꦧꦺꦃꦲꦤ601.730꧉​

^26:52 ꦥꦔꦤ꧀ꦢꦶꦏꦤꦺꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦩꦸꦱ꧈​

^26:53 "ꦠꦤꦃ​꧊ꦏꦺꦤꦲꦤ꧀ꦲꦶꦏꦶꦢꦸꦩ꧀ꦩꦼꦤ꧀ꦩꦫꦁꦠꦊꦂꦠꦊꦂꦲꦶꦁ​꧊ꦆꦱꦿꦲꦺꦭ꧀ꦩꦶꦠꦸꦫꦸꦠ꧀ꦒꦼꦝꦺꦕꦶꦭꦶꦏ꧀ꦏꦺꦠꦊꦂꦠꦊꦂꦩꦲꦸ꧉​

^26:54 (26:54-56)ꦕꦫꦤꦺꦔꦼꦢꦸꦩ꧀ꦲꦼꦢꦸꦩ꧀ꦱꦿꦤꦲꦸꦤ꧀ꦝꦶ꧉​ꦠꦊꦂꦱꦶꦁꦒꦼꦝꦺꦮꦺꦤꦺꦃꦲꦤꦥꦤ꧀ꦢꦸꦩ꧀ꦩꦤ꧀ꦊꦩꦃꦱꦶꦁꦲꦩ꧀ꦧ꧈​ꦠꦊꦂꦱꦶꦁꦕꦶꦭꦶꦏ꧀ꦥꦤ꧀ꦢꦸꦩ꧀ꦩꦤ꧀ꦤꦺꦕꦶꦪꦸꦠ꧀꧉"​

^26:55 (26:54)

^26:56 (26:54)

^26:57 ꦱꦶꦁꦏ꧀ꦭꦼꦧꦸꦠꦊꦂ​꧊ꦭꦺꦮꦶꦪꦏꦸꦮꦶꦠꦸꦫꦸꦤ꧀ꦒꦺꦂꦱꦺꦴꦤ꧀꧈​ꦠꦸꦫꦸꦤ꧀ꦏꦺꦲꦠ꧀ꦭꦤ꧀ꦠꦸꦫꦸꦤ꧀ꦩꦺꦫꦫꦶ꧉​

^26:58 ꦏ꧀ꦭꦼꦧꦸꦲꦸꦒꦠꦸꦫꦸꦤ꧀ꦭꦶꦧ꧀ꦤꦶ꧈​ꦠꦸꦫꦸꦤ꧀ꦲꦺꦧꦿꦺꦴꦤ꧀꧈​ꦠꦸꦫꦸꦤ꧀ꦩꦃꦲ꧀ꦭꦶ꧈​ꦠꦸꦫꦸꦤ꧀ꦩꦸꦱꦶꦭꦤ꧀ꦠꦸꦫꦸꦤ꧀ꦏꦺꦴꦫꦃ꧉​​꧊ꦏꦺꦲꦠ꧀ꦏꦸꦮꦶꦧꦥꦏ꧀ꦤꦺ​꧊ꦄꦩꦿꦩ꧀꧈​

^26:59 ꦱꦶꦁꦏꦮꦶꦤ꧀ꦏꦫꦺꦴꦲꦤꦏ꧀ꦏꦺꦮꦢꦺꦴꦤ꧀​꧊ꦭꦺꦮꦶ꧈​ꦱꦶꦁꦗꦼꦤꦼꦁꦔꦺ​꧊ꦪꦺꦴꦏꦺꦧꦺꦢ꧀꧉​ꦭꦲꦶꦂꦫꦺꦲꦶꦁꦠꦤꦃ​꧊ꦩꦺꦱꦶꦂ꧉​​꧊ꦄꦩꦿꦩ꧀ꦏꦫꦺꦴ​꧊ꦪꦺꦴꦏꦺꦧꦺꦢ꧀ꦢꦸꦮꦺꦲꦤꦏ꧀ꦭꦤꦁꦭꦺꦴꦫꦺꦴꦪꦏꦸꦮꦶꦲꦫꦸꦤ꧀ꦭꦤ꧀​꧊ꦩꦸꦱ꧈​ꦭꦤ꧀ꦲꦤꦏ꧀ꦮꦢꦺꦴꦤ꧀ꦗꦼꦤꦼꦁ​꧊ꦩꦶꦂꦪꦩ꧀꧉​

^26:60 ꦲꦫꦸꦤ꧀ꦢꦸꦮꦺꦲꦤꦏ꧀ꦭꦤꦁꦥꦥꦠ꧀꧈​ꦪꦏꦸꦮꦶ:​꧊ꦤꦢꦧ꧀꧈​​꧊ꦄꦧꦶꦲꦸ꧈​​꧊ꦌꦭꦺꦪꦗ꦳ꦂꦭꦤ꧀​꧊ꦆꦠꦩꦂ꧉​

^26:61 ​꧊ꦤꦢꦧ꧀ꦭꦤ꧀​꧊ꦄꦧꦶꦲꦸꦩꦠꦶꦤꦭꦶꦏꦔꦺꦴꦧꦺꦴꦁꦢꦸꦥꦔꦁꦒꦺꦴꦒꦼꦤꦶꦱꦶꦁꦲꦺꦴꦫꦢꦶꦥꦶꦭꦶꦃꦢꦺꦤꦶꦁꦄꦭ꧀ꦭꦃ꧉​

^26:62 ꦕꦕꦃꦲꦺꦮꦺꦴꦁꦭꦤꦁꦱꦏꦠꦊꦂ​꧊ꦭꦺꦮꦶ23.200꧉​ꦗꦼꦤꦼꦁꦔꦺꦥꦝꦢꦶꦕꦛꦼꦠ꧀ꦝꦺꦮꦺ꧈​ꦏꦥꦶꦱꦃꦏꦫꦺꦴꦕꦛꦼꦠ꧀ꦠꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦭꦶꦪꦤꦺ꧈​ꦩꦼꦂꦒꦥꦝꦲꦺꦴꦫꦲꦺꦴꦭꦺꦃꦥꦤ꧀ꦢꦸꦩ꧀ꦩꦤ꧀ꦊꦩꦃꦲꦶꦁ​꧊ꦆꦱꦿꦲꦺꦭ꧀꧉​

^26:63 ꦏꦪꦩꦼꦁꦏꦺꦴꦤꦺꦴꦕꦛꦼꦠ꧀ꦠꦤ꧀ꦱꦶꦁꦢꦶꦒꦮꦺꦢꦺꦤꦶꦁ​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂꦧꦧ꧀ꦠꦸꦫꦸꦤ꧀ꦠꦸꦫꦸꦤ꧀ꦤꦺ​꧊ꦆꦱꦿꦲꦺꦭ꧀꧈​ꦤꦭꦶꦏꦔꦤꦏ꧀ꦏꦏꦺꦕꦕꦃꦗꦶꦮꦲꦶꦁꦠꦤꦃꦔꦫꦺ​꧊ꦩꦺꦴꦮꦧ꧀꧈​ꦱꦮꦺꦠꦤ꧀ꦤꦺꦏꦭꦶ​꧊ꦪꦂꦢꦺꦤ꧀꧈​ꦕꦼꦝꦏ꧀ꦏꦸꦛ​꧊ꦪꦺꦫꦶꦏꦺꦴ꧉​

^26:64 ꦮꦺꦴꦁꦮꦺꦴꦁꦱꦶꦁꦢꦶꦕꦕꦃꦗꦶꦮꦢꦺꦤꦶꦁ​꧊ꦩꦸꦱꦭꦤ꧀ꦲꦫꦸꦤ꧀ꦲꦤꦲꦶꦁꦥꦼꦱꦩꦸꦤꦤ꧀ꦤꦺꦥꦼꦒꦸꦤꦸꦁꦔꦤ꧀​꧊ꦱꦶꦤꦲꦶ꧈​ꦲꦺꦴꦫꦲꦤꦱꦶꦗꦶꦮꦲꦺꦱꦶꦁꦲꦶꦱꦶꦃꦲꦸꦫꦶꦥ꧀꧉​

^26:65 ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦔꦤ꧀ꦢꦶꦏ꧈​ꦪꦺꦤ꧀ꦮꦺꦴꦁꦮꦺꦴꦁꦩꦲꦸꦏꦧꦺꦃꦧꦏꦭ꧀ꦩꦠꦶꦲꦶꦁꦥꦼꦱꦩꦸꦤꦤ꧀꧈​ꦭꦤ꧀ꦲꦶꦪꦥꦚ꧀ꦕꦺꦤ꧀ꦩꦼꦁꦏꦺꦴꦤꦺꦴ꧈​ꦏꦧꦺꦃꦮꦶꦱ꧀ꦥꦝꦩꦠꦶ꧈​ꦏꦼꦗꦧꦏꦭꦺꦧ꧀꧈​ꦲꦤꦏ꧀ꦏꦺ​꧊ꦪꦺꦥ꦳ꦸꦤꦺ꧈​ꦭꦤ꧀​꧊ꦪꦺꦴꦱꦸꦮꦲꦤꦏ꧀ꦏꦺ​꧊ꦤꦸꦤ꧀꧉​