|
- 30:1 ꧊ꦩꦸꦱꦢꦶꦝꦮꦸꦃꦲꦶꦒꦸꦱ꧀ꦠꦶꦄꦭ꧀ꦭꦃꦒꦮꦺꦥꦽꦤꦠꦤ꧀ꦥꦽꦤꦠꦤ꧀ꦱꦶꦁꦢꦶꦮꦺꦤꦺꦃꦲꦏꦺꦩꦫꦁꦥꦫꦥꦼꦁꦒꦼꦝꦺꦤꦺꦧꦁꦱ꧊ꦆꦱꦿꦲꦺꦭ꧀꧈ꦩꦼꦁꦏꦺꦤꦺ:
- 30:2 ꦪꦺꦤ꧀ꦲꦤꦮꦺꦴꦁꦭꦤꦁꦔꦸꦕꦥ꧀ꦥꦏꦺꦗꦚ꧀ꦗꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈ꦩꦱꦿꦃꦲꦏꦺꦲꦥꦲꦥꦩꦫꦁꦄꦭ꧀ꦭꦃ꧈ꦲꦸꦠꦮꦢꦸꦮꦺꦏꦼꦱꦒꦸꦃꦲꦤ꧀ꦚꦶꦫꦶꦏ꧀ꦲꦥꦲꦥ꧈ꦮꦺꦴꦁꦩꦲꦸꦏꦸꦢꦸꦤꦼꦠꦼꦥ꧀ꦥꦶꦗꦚ꧀ꦗꦶꦩꦲꦸ꧈ꦭꦤ꧀ꦲꦺꦴꦫꦏꦼꦤꦢꦶꦱꦺꦭꦏ꧀ꦏꦶꦲꦸꦠꦮꦢꦶꦧꦠꦭ꧀ꦭꦏꦺ꧉
- 30:3 ꦪꦺꦤ꧀ꦲꦤꦧꦺꦴꦕꦃꦮꦢꦺꦴꦤ꧀ꦱꦶꦁꦲꦶꦱꦶꦃꦱꦲꦺꦴꦩꦃꦏꦫꦺꦴꦧꦥꦏ꧀ꦤꦺꦔꦸꦕꦥ꧀ꦥꦏꦺꦗꦚ꧀ꦗꦶꦲꦉꦥ꧀ꦚꦲꦺꦴꦱ꧀ꦱꦏꦺꦲꦥꦲꦥꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈ꦲꦸꦠꦮꦚꦶꦫꦶꦏ꧀ꦲꦥꦲꦥ꧈ꦏꦸꦢꦸꦤꦼꦠꦼꦥ꧀ꦥꦶꦗꦚ꧀ꦗꦶꦤꦺꦩꦲꦸꦏꦧꦺꦃ꧈
- 30:4 ꦱꦼꦤꦗꦤ꧀ꦧꦥꦏ꧀ꦤꦺꦤꦭꦶꦏꦏꦿꦸꦔꦸꦲꦤꦏ꧀ꦏꦺꦔꦸꦕꦥ꧀ꦥꦏꦺꦗꦚ꧀ꦗꦶꦤꦺꦩꦲꦸꦲꦺꦴꦫꦏꦤ꧀ꦝꦲꦥꦲꦥ꧉
- 30:5 ꦤꦁꦔꦶꦁꦪꦺꦤ꧀ꦧꦥꦏ꧀ꦤꦺꦤꦭꦶꦏꦏꦿꦸꦔꦸꦲꦤꦏ꧀ꦏꦺꦔꦸꦕꦥ꧀ꦥꦏꦺꦗꦚ꧀ꦗꦶꦩꦲꦸꦩꦼꦁꦔꦶꦁ꧈ꦧꦺꦴꦕꦃꦮꦢꦺꦴꦤ꧀ꦩꦲꦸꦲꦺꦴꦫꦏꦼꦕꦚ꧀ꦕꦁꦏꦫꦺꦴꦗꦚ꧀ꦗꦶꦤꦺ꧉ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦧꦺꦴꦕꦃꦮꦢꦺꦴꦤ꧀ꦩꦲꦸ꧈ꦩꦼꦂꦒꦢꦶꦥꦼꦔꦶꦁꦏꦫꦺꦴꦧꦥꦏ꧀ꦤꦺ꧉
- 30:6 (30:6-7)ꦪꦺꦤ꧀ꦲꦤꦥꦿꦮꦤ꧀ꦔꦸꦕꦥ꧀ꦥꦏꦺꦗꦚ꧀ꦗꦶꦲꦼꦩ꧀ꦧꦸꦃꦱꦶꦁꦮꦶꦱ꧀ꦢꦶꦥꦶꦏꦶꦂꦗꦼꦫꦺꦴ꧈ꦲꦸꦠꦮꦱꦶꦁꦠꦤ꧀ꦥꦢꦶꦥꦶꦏꦶꦂ;ꦲꦸꦠꦮꦪꦺꦤ꧀ꦝꦺꦮꦺꦏ꧀ꦏꦺꦢꦸꦮꦺꦏꦼꦱꦒꦸꦃꦲꦤ꧀ꦚꦶꦫꦶꦏ꧀ꦲꦥꦲꦥ꧈ꦥꦿꦮꦤ꧀ꦩꦲꦸꦏꦼꦕꦚ꧀ꦕꦁꦏꦫꦺꦴꦗꦚ꧀ꦗꦶꦤꦺ꧉ꦱꦼꦤꦗꦤ꧀ꦥꦿꦮꦤ꧀ꦩꦲꦸꦧꦚ꧀ꦗꦸꦂꦏꦮꦶꦤ꧀꧈ꦮꦺꦴꦁꦩꦲꦸꦲꦶꦱꦶꦃꦠꦼꦠꦼꦥ꧀ꦏꦼꦕꦚ꧀ꦕꦁꦏꦫꦺꦴꦗꦚ꧀ꦗꦶꦤꦺ꧈ꦱꦼꦩꦺꦴꦤꦺꦴꦩꦲꦸꦪꦺꦤ꧀ꦧꦺꦴꦗꦺꦴꦤꦺꦤꦭꦶꦏꦏꦿꦸꦔꦸꦗꦚ꧀ꦗꦶꦤꦺꦩꦲꦸ꧈ꦲꦺꦴꦫꦏꦤ꧀ꦝꦲꦥꦲꦥ꧉
- 30:7 (30:6)
- 30:8 ꦤꦁꦔꦶꦁꦪꦺꦤ꧀ꦤꦭꦶꦏꦏꦿꦸꦔꦸ꧈ꦧꦚ꧀ꦗꦸꦂꦩꦼꦁꦔꦶꦁꦧꦺꦴꦗꦺꦴꦤꦺꦚ꧀ꦗꦧꦼꦭ꧀ꦗꦚ꧀ꦗꦶꦤꦺ꧈ꦮꦺꦴꦁꦮꦢꦺꦴꦤ꧀ꦏꦸꦮꦶꦲꦺꦴꦫꦏꦼꦕꦚ꧀ꦕꦁꦏꦫꦺꦴꦗꦚ꧀ꦗꦶꦤꦺ꧉ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦥꦫꦶꦁꦥꦔꦥꦸꦫ꧉
- 30:9 ꦮꦺꦴꦁꦫꦤ꧀ꦝꦲꦸꦠꦮꦮꦺꦴꦁꦮꦢꦺꦴꦤ꧀ꦱꦶꦁꦮꦶꦱ꧀ꦥꦼꦒꦠ꧀ꦠꦤ꧀꧈ꦪꦺꦤ꧀ꦔꦸꦕꦥ꧀ꦥꦏꦺꦗꦚ꧀ꦗꦶꦲꦸꦠꦮꦱꦒꦸꦃꦚꦶꦫꦶꦏ꧀ꦲꦥꦲꦥ꧈ꦏꦸꦢꦸꦤꦼꦠꦼꦥ꧀ꦥꦶꦲꦥꦱꦶꦁꦢꦢꦶꦗꦚ꧀ꦗꦶꦤꦺꦭꦤ꧀ꦲꦥꦱꦶꦁꦲꦉꦥ꧀ꦢꦶꦱꦶꦫꦶꦏ꧀ꦩꦶꦠꦸꦫꦸꦠ꧀ꦗꦚ꧀ꦗꦶꦤꦺ꧉
- 30:10 (30:10-11)ꦪꦺꦤ꧀ꦲꦤꦮꦺꦴꦁꦮꦢꦺꦴꦤ꧀ꦱꦶꦁꦮꦶꦱ꧀ꦏꦮꦶꦤ꧀ꦔꦸꦕꦥ꧀ꦥꦏꦺꦗꦚ꧀ꦗꦶꦚꦶꦫꦶꦏ꧀ꦲꦥꦲꦥ꧈ꦭꦤ꧀ꦤꦭꦶꦏꦔꦸꦕꦥ꧀ꦥꦏꦺꦗꦚ꧀ꦗꦶꦩꦲꦸꦧꦺꦴꦗꦺꦴꦤꦺꦏꦿꦸꦔꦸꦭꦤ꧀ꦩꦼꦤꦼꦁꦮꦲꦺ꧈ꦏꦸꦢꦸꦤꦼꦠꦼꦥ꧀ꦥꦶꦲꦥꦱꦶꦁꦢꦢꦶꦗꦚ꧀ꦗꦶꦤꦺ꧉
- 30:11 (30:10)
- 30:12 ꦤꦁꦔꦶꦁꦪꦺꦤ꧀ꦧꦺꦴꦗꦺꦴꦤꦺꦤꦭꦶꦏꦏꦿꦸꦔꦸꦗꦚ꧀ꦗꦶꦤꦺꦩꦲꦸꦧꦚ꧀ꦗꦸꦂꦩꦼꦁꦔꦶꦁꦩꦫꦁꦱꦶꦁꦮꦢꦺꦴꦤ꧀꧈ꦮꦺꦴꦁꦮꦢꦺꦴꦤ꧀ꦩꦲꦸꦲꦺꦴꦫꦏꦼꦕꦚ꧀ꦕꦁꦩꦼꦤꦺꦃꦏꦫꦺꦴꦗꦚ꧀ꦗꦶꦤꦺ꧉ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦮꦺꦴꦁꦮꦢꦺꦴꦤ꧀ꦩꦲꦸ꧈ꦩꦼꦂꦒꦢꦶꦥꦼꦔꦶꦁꦱꦶꦁꦭꦤꦁ꧉
- 30:13 ꦮꦺꦴꦁꦭꦤꦁꦮꦼꦤꦁꦤꦼꦠꦼꦥ꧀ꦥꦏꦺꦲꦸꦠꦮꦩ꧀ꦧꦠꦭ꧀ꦭꦏꦺꦗꦚ꧀ꦗꦶꦲꦸꦠꦮꦗꦚ꧀ꦗꦶꦱꦶꦁꦢꦶꦲꦸꦕꦥ꧀ꦥꦏꦺꦢꦺꦤꦶꦁꦧꦺꦴꦗꦺꦴꦤꦺ꧉
- 30:14 ꦤꦁꦔꦶꦁꦪꦺꦤ꧀ꦮꦺꦴꦁꦭꦤꦁꦩꦲꦸꦤꦭꦶꦏꦏꦿꦸꦔꦸꦱꦶꦁꦮꦢꦺꦴꦤ꧀ꦔꦸꦕꦥ꧀ꦥꦏꦺꦗꦚ꧀ꦗꦶꦲꦺꦴꦫꦏꦤ꧀ꦝꦲꦥꦲꦥ꧈ꦮꦺꦴꦁꦮꦢꦺꦴꦤ꧀ꦩꦲꦸꦏꦸꦢꦸꦤꦼꦠꦼꦥ꧀ꦥꦶꦗꦚ꧀ꦗꦶꦤꦺ꧉ꦱꦶꦁꦭꦤꦁꦮꦶꦱ꧀ꦤꦼꦠꦼꦥ꧀ꦥꦏꦺꦗꦚ꧀ꦗꦶꦤꦺ꧈ꦩꦼꦂꦒꦤꦭꦶꦏꦏꦿꦸꦔꦸꦱꦶꦁꦮꦢꦺꦴꦤ꧀ꦔꦸꦕꦥ꧀ꦥꦏꦺꦗꦚ꧀ꦗꦶꦩꦲꦸ꧈ꦱꦶꦁꦭꦤꦁꦲꦺꦴꦫꦏꦤ꧀ꦝꦲꦥꦲꦥ꧉
- 30:15 ꦪꦺꦤ꧀ꦲꦶꦁꦠꦼꦩ꧀ꦧꦺꦱꦶꦁꦭꦤꦁꦩ꧀ꦧꦠꦭ꧀ꦭꦏꦺꦗꦚ꧀ꦗꦶꦤꦺꦱꦶꦁꦮꦢꦺꦴꦤ꧀꧈ꦮꦺꦴꦁꦭꦤꦁꦏꦸꦮꦶꦱꦶꦁꦚꦁꦒꦏꦭꦸꦥꦸꦠ꧀ꦠꦤ꧀ꦤꦺ꧉
- 30:16 ꦩꦼꦁꦏꦺꦴꦤꦺꦴꦏꦸꦮꦶꦥꦽꦤꦠꦤ꧀ꦥꦽꦤꦠꦤ꧀ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦩꦫꦁ꧊ꦩꦸꦱꦧꦧ꧀ꦗꦚ꧀ꦗꦶꦱꦶꦁꦢꦶꦲꦸꦕꦥ꧀ꦥꦏꦺꦢꦺꦤꦶꦁꦥꦿꦮꦤ꧀ꦲꦸꦠꦮꦧꦺꦴꦕꦃꦮꦢꦺꦴꦤ꧀ꦱꦶꦁꦩꦁꦒꦺꦴꦤ꧀ꦱꦲꦺꦴꦩꦃꦏꦫꦺꦴꦧꦥꦏ꧀ꦤꦺ꧈ꦲꦸꦠꦮꦢꦺꦤꦶꦁꦮꦺꦴꦁꦮꦢꦺꦴꦤ꧀ꦱꦶꦁꦮꦶꦱ꧀ꦏꦮꦶꦤ꧀꧉