Jyr kyndyn kumt oły

←

Jyr kyndyn kumt oły
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113607Jyr kyndyn kumt oły — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 80 ]

Jyr kyndyn kumt oły

Jyr kyndyn kumt oły, kumt oły dö hejn,
uf Betlejem oły bym krypła cy śtejn
an zaoł wu y daor naocht, düt ej gysiaon
der Foter fum Hymuł höt zen Zun yns gaon.

Der engl rift kiyta, di nö desa zajn,
do zy zich byajła an bym kyndła błajn.
Zy zocha ejwum śtoł, a zir łichta siajn
s’kyndła ej zir fruł, do kiyta benum zajn.

Der Jezüs ym krypła ufum hee ana śtruf,
Maryja an Jüzef zajn ym kyndła zir fruł.
Dy kiyta di baota bym naojgybiüna kynd,
wir frajyn zich do ejs, sienkia wyt dy zynd.

This work is licensed under the Creative Commons Attribution-ShareAlike 3.0 Unported license.