K dopomnjeśu zamrětych
| nadpis | K dopomnjeśu zamrětych |
|---|---|
| awtor | Fryco Rocha |
| lěto | 1909 |
| žrědło | Wosadnik, No 11/1908, b. 1 |
| licenca | public domain |
| nota | nowy pšawopis |
Staj na blido te slědne kwěty,
Ze spižki zej tu bibliju
A lazuj z njeje postawk swěty
Tym zamrětym k dopomjeśu.
Źins jo jich źeń. Tež wonje
Se tudy raz wjaselachu.
Źins jo jich źeń, źins zwonje
Te zwony jim k dopomnjeśu.
Podaj mě wobaleńc moj stary
A dowjeź mě k nim za ruku,
Zej też tych struskow slědne dary
Tym zamrětym k dopomnjeśu.
Źins jo jich źeń. – Ach, Kněžo, Kněžo
Zawusłyš moju zapšosbu,
Kenž źinsa mě pśez dušu rěžo
Tym zamrětym k dopomnjeśu.
Jan zbožny, zbožny! Śěło, dušu,
Śi pśirucym do rukowu.
Daj gnadu tež ty twoju wušu
Wšym zamrětym k dopomnjeśu.
| nadpis | K dopomńeschu samŕetych |
|---|---|
| awtor | Fryco Rocha |
| lěto | 1909 |
| žrědło | Wosadnik, No 11/1908, b. 1 |
| licenca | public domain |
| nota | stary pšawopis |
Staj na blido te sslědne kwěty,
Se spischki sej tu bibliju
A lasuj s ńeje postawk sswěty
Tym samŕetym k dopomńeschu.
Źinss jo jich źeń. Tež wońe
Sse tudy ras wjasselachu.
Źinss jo jich źeń, źinss swońe
Te swony jim k dopomńeschu.
Podaj mě hobaleńz moj stary
A doẃeź mě k nim sa ruku,
Sej też tych strusskow sslědne dary
Tym samŕetym k dopomńeschu.
Źinss jo jich źeń. – Ach, Kněžo, Kněžo
Sahussłysch moju sapschossbu,
Kenž źinssa mě psches duschu rěžo
Tym samŕetym k dopomńeschu.
Jan sbožny, sbožny! Schěło, duschu,
Schi pschiruzym do rukowu.
Daj gnadu tež ty twoju huschu
Schym zamŕetym k dopomńeschu.