Kaʻena
Aia i Kaʻena kuʻu lei momi
I ka hoʻopulu ʻia i ka ehukai
Kou maka onaona kaʻu i aloha
Kou leo kani hone hone i ke kula
Akahi hoʻi au ke ʻike maka
Ka ukana luʻuluʻu a ke aloha [1]
Hoʻona ae ana i ke aloha
Ka pilina o ke kula Lauhulu
Me he lei hulu mamo e lei ke aloha
A ka puʻuwai a e malama nei
Malama pono oe e ipo aloha
I ka puni kauoha a kaua
Uluhua wale au i ke kaiuli
I ka makani kaulana ao Waianae
Nana e kaomi malie nei
Me ka malu launiu o Pokai
Ka hone a ke kai o Puʻuloa
Me he ala o kuʻu aloha kekahi
Hea aku no au o mai oe
O ka ua koko ula ku kamahao
A hiki i ke kula o Moanalua
Hoʻohihi na maka ke ike aku
Ke hoi nei au no ke kaona
E hui me ka liko pua ahihi
Haʻina ʻia mai ana ka puana
Aia i Kaʻena kuʻu lei momi [2]
Notes
edit
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |