Ka ʻAnoʻi
Mai hōʻoniʻoni mai ʻoe
Ka pili aloha a māua
ʻElua wale nō māua
Me ke nui manu o ka lewa
Hui:
Paʻa ʻia iho ko makemake
Koʻolua nou no ka pō
Kou kuleana paʻa nō ʻia
Ko lihilihi i ʻanoʻi ai
Mai punihei hewa ʻoe
I ka nani o ʻāinapō
Eia iho nō ka ʻanoʻi
Me ka lā mālamalama
Mai kuhihewa aku ʻoe
I ka ʻula o ka ʻōhelopapa
ʻO kou makamaka nō ia
Ko aloha i pālua ʻia
|
This work is in the public domain in the United States because it was published before January 1, 1929.
The author died in 1950, so this work is also in the public domain in countries and areas where the copyright term is the author's life plus 70 years or less. This work may also be in the public domain in countries and areas with longer native copyright terms that apply the rule of the shorter term to foreign works. |