Ka Hanu O Hanakeoki
Nani wale ka hiʻona o ka manu lā
ʻO ka ʻiʻiwi maka onaona pōlena lā
Noho i ka malu lāʻau lā
Ulunahele pō i ka lehua lā
Hui:
Ilihia wau i ke ʻala lā
O ka hanu o Hanakeoki lā
Punihei ka manaʻo hoʻohihi lā
Hanu ʻaʻala o Hanakeoki
Alia ʻoe e ka ʻamakihi lā
Manu puapua lenalena lā
E ālai nei i ka wai lā
Wai hālukuluku i ka pali lā
E inu aku wau i kena lā
I ka wai lehua a ka manu lā
Hō iho kāua ʻeloʻelo lā
A hoʻi a e hoʻolaʻilaʻi lā
|
This work was published before January 1, 1929, and is in the public domain worldwide because the author died at least 100 years ago. |