poki nasa
tan jan Lakuse, tan kala Salan, tan jan Tepo
jan Lakuse: ijo ale, soweli ale, pipi ale, akesi ale, ante ale, a ijo ante seme li lon? mi weka e sona. supa ale, selo ale, sijelo ale, kon ale o toki! a, ni li kalama sin. mi jan Lakuse.
jan Tepo: mi jan Tepo.
kala Salan: mi jan kala.
j.Tepo: tenpo poka la mi ale li pali e kalama sin ante. taso, a! wile pali sin li kama. mi open sin.
j.Lakuse: lon. open sin. mi kama toki e seme?
j.Tepo: a. mi wile kama sona e ni!
k.Salan: mi sona ala!
j.Tepo: a, mi wile kama sona e ni: toki pona li ken ala ken toki e ijo pi nasa mute? ale: a a a.
j.Tepo: ijo ni li nasa mute a... ken la toki pona li ken ala toki e ona. taso, a, tenpo la mi lukin toki Inli e ona la ni kin li ken ala. taso, n. toki pona li ken ala ni la awen la ona li ken musi mute. ni la...
j.Lakuse: lon!
j.Tepo: a.
j.Lakuse: lon. o sona e ni: sina wile sona e ijo pi toki mi la o lukin lon sitelen anpa. mi pana e linja tawa ni. sina wile kama sona lon poka pi jan Kala la sina ken lukin ala e sitelen ni, li ken kute e toki pi jan Tepo la sina ken lukin kama sona e ijo anu seme? taso ni li ken musi mute!
j.Tepo: lon, lon, lon. mi en jan Lakuse li sona e ijo. mi lukin pana e sona. ken suli la mi kama ala pana pona e sona, a a a. taso mi alasa.
j.Lakuse: lon. alasa!
j.Tepo: alasa! ijo. a a a.
j.Lakuse: ijo!
j.Tepo: ijo ni li a... n. open la mi o toki e ijo ante, a a a.
k.Salan/j.Tepo: a a a.
j.Tepo: ijo sin li sama ijo ante li.. a. a, ijo ante li seme? ni li sike, li tan linja lipu. n. o sitelen insa e ni: lipu li lon. sama ni: sina ken sitelen lon ona. taso, n, nasin la, a, poka lipu li weka lili. a, sewi lipu nanpa lipu li weka mute. a, o lili e weka pi poka lipu. ni la, lipu li kama lili lon poka... sina ni la lipu li kama sama linja, anu seme.
j.Lakuse: a linja suli.
j.Tepo: a ni la, linja li lon. sinpin linja en monsi linja li lon. sama lipu. a, sina wan e pini linja tu, la ni li kama e sike. a, ni la... a. sinpin - ni la ken la sinpin li... sinpin en awen... ken la awen la sinpin en monsi li lon. taso, sina wan e sinpin pi poka wan tawa monsi pi poka ante, la ni li kama e nasa ni: sinpin wan taso li lon sike lipu ni. sina sona ala sona?
k.Salan: mi... mi sona lili a.
j.Tepo: a a.
j.Lakuse: sona lili a.
k.Salan: mi sona lili a. o toki sin - sike li lon. taso seme li kama?
j.Lakuse: sike li lon anu seme... a, mi ken... sinpin li lon... anu seme ni: selo en insa li lon sike, anu seme?
k.Salan: lon.
j.Lakuse: sama ni, a: lipu wan li.. n. sinpin wan lipu ni li selo sinpin wan... ona li sike. taso sina... ken la sina wan ala e ona lon nasin pona. ken la sina wan e poka tu lon nasin nasa. sina tawa sike e lipu wan, sama ni: sina sinpin... sina wan e sinpin e monsi, e selo, e insa. ni li kama e seme?
k.Salan: lon.
j.Lakuse: insa en selo, li sama, li wan. sina tawa lon selo la sina kama lon insa. sina kama lon insa la sina kama lon selo. sina sona ala sona?
k.Salan: lon... lon, mi.. lon. mi sona.
j.Lakuse: pona.
j.Tepo: wa. ni li ijo nanpa wan. pona, ni la, a a a... mi ken kama toki e ijo ante. a...
k.Salan: mi o toki [mu] anu seme?
j.Tepo: ni li... n? o ala. o ala.
j.Lakuse: o ala.
j.Tepo: mi awen toki e ijo ante. kalama sin la o toki pona taso anu seme? ale: a a a.
j.Tepo: a...
k.Salan: [mu] n. ijo ante ni li sama lili li sama tan ni: n. a mi sona! ken la mi sona e nasin toki. a, sike ni la selo li linja taso. a, taso, mi kama toki e ijo ante ni - ken la ni kin li sike. taso a, sina lukin e ona la sina pilin ala e ni: "ona li sike". taso ken la ona li sama sike. a, sike li... n. sike li ken supa ala anu seme? sama ma. ma li sike a. a, n... taso insa ma li weka la selo sike li lon. insa sike li lon. taso a, ijo nasa ni la selo en insa li wan. a, ni li ken lon nasin seme? n... nasa mute. a, ni li... a a a. nasin seme la sina ken wan e insa e selo lon sike ni? ni li sama ni: a, ken la sina lon insa sike. mi ken toki e nasin sama ni: sina lon insa la sina ken kama lon selo kepeken nasin ni. sina lon insa. lon sewi la lupa li lon. sina tawa sewi li kama lon lupa. lupa li nasin. lupa li a... mi ken toki...
j.Lakuse: a, lon. kala o. sina sona ala sona e toki?
k.Salan: lon. mi sona! mi sona.
j.Lakuse: pona.
j.Tepo: wa?! seme a? a a a. ni li ken ala! toki pona li ken ala toki! taso, a. n. sina lon insa ala, la lupa li lon sewi. mons-- n. monsi ala. anpa la, lupa li lon. sina ken ala tawa, tawa anpa. taso sina ken tawa sewi. a, nasin li lon. nasin ni li tawa poka, li kama tawa poka sike, li tawa insa sike - ni li nasa lili. a, nasin ni li tawa insa sike la ni li pakala e selo sike, taso ni li suli ala. a, taso nasin li tawa insa sike. taso, n. tenpo ni la sina lon insa lupa. lupa li lon insa sike. ni la sina lon insa... mi kama toki e ni: sina lon insa sike. sina lon insa lupa. lupa li lon insa sike. lupa nasin. nasin lupa. n,
j.Lakuse: sina sona ala sona?
j.Tepo: lon... sina sona ala sona?
k.Salan: mi... pilin mi la mi sona.
j.Tepo: n. ken. ken ken.
j.Lakuse: n...
j.Tepo: sina awen tawa lon nasin, lon lupa, la sina kama weka tan anpa sike. nasin li... a a a. nasin ni en anpa sike li kama wan. ni li sama lili tawa ni: a, lon sike lipu la open en pini li kama wan. taso ni li...
k.Salan: a, lon!
j.Tepo: n. ni la lupa en anpa sike li kama wan. ni li sama lili. ni la sina kama lon weka sike! sina kama lon selo sike! sina ken sin e lupa li ken kama sin lon insa. ni la insa en selo li wan!
k.Salan: mi sona.
j.Tepo: sina sona??
j.Lakuse: seme?!
k.Salan: lon! mi sona.
j.Tepo: ni li ken ala!
j.Lakuse: sina sona e ni lon tenpo pini anu seme?
k.Salan: mi lukin e sitelen.
j.Tepo: a!
j.Lakuse: a, lon tenpo pini. ike a!
k.Salan: mi lukin ala... mi kute ala e kalama sin. taso mi lukin e sitelen pi... mi lukin e sitelen sike la mi sona e nasin ni. taso mi sona pona ala. taso mi lukin - pilin mi la mi sona. sina toki la mi sona, la mi pilin e ni: "a toki sina la tenpo pini mute la mi lukin e sitelen, "la sitelen li pana e [ijo ni]..."
j.Tepo: aaa!
k.Salan: pilin mi la mi sona. lon. pilin mi la mi sona. taso mi kute ala tan sina ale... mi sona taso tan... tenpo pini mute a.
j.Lakuse: a, lon...
j.Tepo: wawa mute!
j.Tepo: sina sona e ijo...
j.Lakuse: awen la mi ken ala sona e ni: toki pona li ken ala ken toki e ijo. mi o alasa e jan ante tawa ni anu seme? a a a.
j.Tepo: a a a.
k.Salan: lon.
j.Tepo: kalama sin kama la...
j.Lakuse: jan Kapilu! anu mi sona ala...
k.Salan: taso mi... sina... mi toki a e ni: "a mi sona! taso tenpo pini ala la mi lukin" la sina kama sona e ni: jan kala li sona pona kepeken nasin seme? kepeken nasin seme la sina sona e sona pona mi?
j.Tepo: a, nasin li ken sama ni: mi pana e sitelen tawa sina. sina toki e ni: sitelen ni li sama ala sama pilin sina.
k.Salan: a! ni la sina o pana.
j.Tepo: mi o kama pana. a, o awen lili.
j.Lakuse: sina sona ala sona e ni: poki ni li ken... sina ken pana e telo tawa poki ni anu seme?
k.Salan: ...ken pana e telo... n...
j.Tepo: n... lon la insa en selo li wan la sina pana e telo la ona li ken weka. taso, a a.
k.Salan: mi sona ala. pilin mi la sina... lon. mi lukin ala e telo. sona mi la... sona li sama la, mi sona ala.
j.Tepo: mi pana e sitelen. poki sama mute li lon. sina ken lukin.
j.Lakuse: a, lon. a, jan kute o: sina wile lukin e sitelen la sina ken lukin lon anpa. mi pana e nasin.
j.Tepo: n, pona.
k.Salan: a, lon. mi sona...
k.Salan: jan Lakuse li toki e nimi telo la mi sona. taso jan... mi kute ala e nimi telo la mi pilin e ni... a, mi o alasa e sitelen. mi jo ala e sitelen, taso, n... ijo nanpa wan la mi sona. ijo nanpa tu la mi sona. taso nimi... mi kute e nimi telo la sona pona a... "a, ni li poki. ni li poki pi..."
j.Tepo: a a a. li ken...
k.Salan: taso... lon. taso mi kute ala e nimi telo la mi pilin e ni: ona li sama sike - ona li... ona li sama ni. taso ona li sike taso. ona li poki ala. mi sona... ken la sina sona ala e toki -
j.Tepo: taso sike li poki anu seme? insa sike li lon la ni li ken poki e ijo.
k.Salan: lon. mi alasa e sitelen. taso ken la mi ken ala lukin. lon. taso ni li... mi sona lili. mi sona pona e ijo nanpa wan. mi sona e ijo nanpa tu. taso mi kute e nimi telo la mi sona.
j.Tepo: wa.
j.Lakuse: wa.
j.Lakuse: toki pona li ken toki lili e ijo!
- k.Salan/j.Tepo: a a a.
j.Tepo: jan li sona e ijo tan tenpo pini la ona li ken toki wawa e ijo.
j.Lakuse: wa.
k.Salan: a mi ken ala lukin.
j.Lakuse: ale li pona. sina kama... sina kama sona e sitelen la o pana tawa mi la mi ken pana e ona lon anpa kin. taso, a... sina lukin ala e sitelen lon anpa la kala li kama ala pana e sitelen. taso, a a.
j.Tepo: a a a.
j.Lakuse: ale li pona. a a. sina ale li kute e toki pi jan Tepo la sina sona ala sona? o pana e toki ni lon anpa lon lipu Jutu anu... mi sona ala e lipu ante, a a, pi kalama sin... taso...
j.Tepo: lipu ante la jan li ken ala pana e sitelen lon anpa.
j.Lakuse: a!!
j.Tepo: taso, a.
j.Lakuse/j.Tepo: o toki tawa mi!
j.Tepo: sina ken kama tawa ma pali pi toki pona li ken toki lon ni a.
j.Lakuse: lon. kepeken [mu]... sina ken toki tawa mi li ken toki e pilin.
j.Tepo: ilo Siko! sina kalama pona e nimi la...
j.Lakuse: a! Siko! nimi Siko, a a a.
k.Salan: a a.
j.Lakuse: taso, a. lon! sina ken kama lon poka. sina ken toki e ale pi wile sina! mi kama pana e uta sina tawa ma ale! tawa kulupu... a a.
j.Tepo: lon!
j.Lakuse: ...kulupu ale pi toki pona!
j.Tepo: mi wile e jan pali! jan o kama o pali! mi wile e jan pali! mi pali ala la kalama ala li kama sin aaa!
j.Lakuse: lon! mi wile e ni: kalama sin li ken lon tenpo esun ale! a, taso, lon.
k.Salan: a a.
j.Lakuse: sina kute e ni la sina pona mute! o awen toki pona! a, mi jan Lakuse.
j.Tepo: jan Tepo li lon mi.
k.Salan: mi jan kala! [mu]
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|