[ 49 ]
Pöfik e neläbik binob,
Labob fleni nonik.
Ag! te balna nog binobös
Gälik e kotenik!
Vön in dom paelas oba
Vo äbinob läbik,
Ab sis edeiloms, sevob
Glifis te biedik.
Gadis liegikas logob
Flolön ko jön gletik,
Ab lif glifafulik oba.
Labom jöni nonik.
Lä mens yofik yo viliko
Ko dol stilik stebob,
Ed alime «deli gulik»
So ladliko vipob.
O God gudik! deno ple ob
Blibom i gäl anik,
Tlodi svidik älemänol
Menes pöfik valik.
Domi sanik ola tuvobs
In pag alik smalik,
Ed us gel e korakanit
Tonoms lile alik.
Ple ob i sol e mun e stels
Ko nid löflik litoms;
If glügaglöks tonoms plo plek,
Tän id obi vokoms.
Gälasäli omanifol
[ 50 ]
Füd gudike alik,
Täno us i pubön dälob
In zälaklot obik.
