Ko’rub gultek yuzung jon pora-pora...
Ko’rub gultek yuzung jon pora-pora,
Jigar ham qildi ul qon pora-pora.
Jonim ko’rgan jafoning mingda birin,
Bo’lur gar ko’rsa sandon pora-pora.
Kularda ko’rsa og’zi birla tishin,
Bo’lur gulnori xandon pora-pora.
Netong munda o’zin chok etsa g’uncha,
Aningtek bo’ldi chandon pora-pora.
Bag’ir qon qildi amrindinu bo’ldi
Ko’zumda la’lu marjon pora-pora.
Saqoqin kish yaqosi o’pkanidin
Jonim choku giribon pora-pora.
Ko’ngul Sakkokiytek jon birla rozi,
Jigarni qilsa ul jon pora-pora.
|
This work was published before January 1, 1929, and is in the public domain worldwide because the author died at least 100 years ago. |