Ko’zungkim dam-badam yuz ming tuman turluk qiron aylar...
Ko’zungkim dam-badam yuz ming tuman turluk qiron aylar,
Qomuq zarroti olamni o’zitek notavon aylar.
Magar topqay nishoni nogahon la’lingning ollinda,
Ko’zum yosh elchisin har damda yuz sori ravon aylar.
Ajab ayyori purfandur sening jodu qarog’ingkim,
Zamone yuz ko’ngul berur, zamone qasdi jon aylar.
Mening bu o’tluq ohimdin falakning bag’ri suv bo’ldi,
Demassen borikim, bu ne faryodu (ne) fig’on aylar.
Munavvar tal’ating, ey jon, niqobi zulf arosinda
Quyoshdurkim, o’ziga mushki tardin soyabon aylar.
Ko’zung har bir qiyo boqsa, xaloyiqni qirar g’amzang,
Musulmonlikdin ermas buki, nohaq muncha qon aylar.
Ko’zung ul qoshi yosindin qachonkim o’q otar bo’lsa,
Qomuq xokilarindin bu Gadoni – o’q nishon aylar.
|
This work was published before January 1, 1929, and is in the public domain worldwide because the author died at least 100 years ago. |