L'organo
Angelo Cossa (XVIII-XIX secol)
L'organo
(Part 1, scena 2)
BARON: - E così, caro Battistone, sei pronto a eseguire le tue promesse?
BATISTON: - Scior sì, car el mè scior Baron. Per mì no mancaroo a nient; ma per quell che hoo poduu subodorà, el me par che vun di fabricier, el scior Giovann-Felip legnamee, el se sia acort de quai coss.
BAR.: - Come? Dici davvero? Come va questa faccenda?
BAT.: - Ghe diroo: jer sira, prima de andà a scena, mì sera in piazza, e Giovann-Felip el m'è vegnuu vesin, e cont on cert rid sforzaa el m'ha dit: "Ovej, o Batiston, sichè inn i tò carr e i tò bœu che hann de menà chì l'orghen diman matina, n'èl vera?". E mì g'hoo rispost: "Che novitaa! L'è già on mes che lu el le sa, e adess el ven chì a fà l'indian?". E Giovann-Felip: "Ma te sett propri tì quell che ha de menà i carr, o inn i tò fiœu?". E mì: "Sont propri mì e i mee fiœu. Cossa voravel mò dì?". E lu alora, tonfeta, el me dà on button, inscì a l'improvisa e inscì de malagrazzia che, sanguanina!, se mì no sera ben piantaa sarev andaa per terra.