Löfamagab
Pelovepolöl fa Madarassy Pál, se Nugänapük.
“Söl sanel” - sagob kapäl$e oba, -
“Ladi oba, ag! visitolös!
“Labolös gudi - binom malädik -
“If nog mögos - omi sanolös!”
“Lad oba vemo konfidom ole,
“Bi ofeno omi eyufol,
“Ab spidolös, begob, ag! spidolös!
“Sanön malädi, ba nog kanol.”
E kapäl, domasanel at gudik,
No zogom, ab disi espidom;
E logöl malädikeli bludöl,
Pejekom, e kapi emufom.
E evokom: “Yunan löfik! Godö!
“Kisi mekol? vun ola binom
“Dibikum e vidikum, ka Danub,
“If no kautol, oli funom.”
“Ab ye binobsös boso sufädik,
“Nog ba - ba kanob blinön yufi.”
Esagom; e xamöl vuni oba,
Enintofom spido baini.
Lad egepükom: “Li gebol spela
“Baini? - vanliko! - letolös
“Speli, at vo no sanom, no funom -
“U saunobös, u deilobös!”
Se Kosmopolan 1891, Nüm: 2, Pad: 11.
(Rigiko se „Löfamagabs“ ela Petőfi, petradutöl fa Madarassy Pál.)