Löpo su bels

Löpo su bels lib nog lödon

su belabäks klifik;

löpo su mens e menalon,

sus möns zifas gretik.

Luvegs skapik, luvegs töbik

dugons obis se xil;

ed is ai nog kvil künik

fliton nen top äl sil.

Dono bevü klifs fon müron,

e vat binon lämpik.

I kvärabim us nog stanon

in grün, ko fluks mödik.

Men in senäl liba yöbon

is, in soal stilik.

Löpo su bels lib nog lödon

su belabäks klifik.

Se Volapükagased (Zänagased pro Volapükanef) 1959, Nüm: 4, Pad: 16.