La Bregostana e la masciara
La Bregostana e la masciara
Na masciara l'à menà da sera le bestie a dabirar. Candenó l'é na bregostana chiò, che ciapa sta pere tousa per i ciavìe e la zara sù sun n cougol sa Palua. L'era jà scur e scurent, canche la patrona se n'à ascort, che mencia la masciara. La disc al sie, che l se tole l cian e che l vae a cerirla, che segur na bregostana la l'à portada su per chi cougoi sa Palua. L patron se tol l cian te n sach sun schena e l se n va. No l'é ruà dalonc, l se mbat te na bregostana, che lo domana, che che l porta te chel sach. E l ge respon che l'à demò n ciuch te sach, e va nant. Ma tedò n ciuscon l lascia fora l cian, chel sobit sauta ados a la bregostana e la sbrega sù n tante mizàcole. Dapò l cian l'à menà sa Palua te n cougol, aló l troa la masciara nsangonada su e su, leada con roc de larsc te n piz.