La Madona dla difesa d'Ampëz
da Proverbi, tradizioni e anneddoti delle valli ladine orientali
La Madona dla difesa d'Ampëz.
Dan passa mile agn fô rová i longobarg ite por Ciadura fina t'Ampëz por robé, borjé jö döt y copé la püra jënt. I püri ampezagn, che fô laota de püri famëis la maiú pert, se la odô desperada; ai ne savô plü mesi por se defëne. Te chëra desgrazia chiri aiüt pro la Madona y no debann. N gröm de nemisc röia ite tla val, en chël momënt vëgnel n bur nio fosch sura döt le lüch. I nemisc i la taca ai ampezagn, che l'ess tosc pordüda y scomenciâ a s'un sciampé; mo
i longobarg, che n'i odô sciampan sot a chël nio, cherdô tres de combate cun i ampezagn, mënter ch'ai se copâ l'un cun l'ater. La Madona i á fat tan confusc, ch'i ampezagn é restá salvi.
Ia Lacedel ciafon ciamó te vedles ermes ti ciamps. Do chësta miracolosa conservaziun á frabiché le comun la dlijia dla Madona dla difesa.