La Questiono da Goha

Yen ke Goha, sorto di Nasrudin egiptiana, kompris un kilo de karno e donis ol a sua spozino. Kande nokteskis e Goha arivis en sua hemo, sua spozino dicis ad ilu, ke ilua kato furtabas e manjabas la tota karno. Goha sizis la kato, pozis lu sur balanco e ponderis lu. La pezo dil kato esis exakte un kilo. Lore, Goha, reflektema e kelke trista, questionis su laute (e tal questiono permanabas til nun sen respondo):

--Se tu esas mea kato..., ube esas mea karno? E se tu esas la karno..., ube esas mea kato?