La Revancha

by Frai Domingo Hevia y Prieto

La Revancha  (1887)  by Frai Domingo Hevia y Prieto

Ya el sol que tostaba el mundu
Co la carreta fogosa ,
De los mares del poniente
Diva cayendo nas folas ;
Y rodiada de estrellines
Ya la fia de Llatona
Se asomaba pe los montes ,
Galana y cariredonda ,
Cuando ya los paxarinos
El bosque ombríu abandonan ,
Y otra vez á sos guarides
Torna el melandru y la llondra
Cuando subiendo á les nubes
El fumeru de la choza ,
Se vuelven co la reciclla
El zagal y la pastora ;
Todo en seliquín estaba ,
Solo un fresquillín que sopla
Respuende al mar que de Iloñe
Retumba sordu na costa ;
Guando feridu de celos ,
Sentadu sobre una roza ,
Tal se quexaba Lisandru
D' una serrana de Ponga
 " Si sabes , cruda Filena ,
Que Pachu de Maruxona
Non ye más que un trastu vieyu
Que non gana la boroña ,
¿ Por qué , tú , á min m' abandones
Dime , rapaza simplona ,
Por aquel cara de micu
Que non pudo afayar otra ?
..................................
...................................

 Dí ,.perxura, ¿ non t' acuerdes
Aquel día na derrota ,
Que pa que te diés el brazu
facias la mellindrosa ?
.................................
.................................