La contessa da Doleda (1)
La contessa da Doleda (1)
Vejin a Penìa l'era n gran e bel ciastel, e amò ades i veies se recorda de aer vedù le frece. La contessa da Doleda che abitaa aló aea ence doi fies. De sabeda dò disnar la vegnìa con so jent de la monegarìa (= val de sora) scin a Poza e aló la stajea te la ciasa de Polam a dormir. L dì dò la se n jìa con sbeibl e tamburle ja Soraga. La jent de duta la val se unìa e la la compagnaa jù a la messa n Soraga. A chi tempes se se conta l'era la pruma ed unica gejia de duta la val ja Soraga, e la era dedicada ai Sènc Apòstoi. Ma gio crese che sta gejia no la era n Soraga, mo nveze sun chel col sora Moena, olache ades l'é la antichissima gejia de St. Wolfgango. Mben l preve cognea spetar a dir la messa scin che la contessa era ruada te gejia. Dò la messa la se n jìa sobit a ciasa e i tamburles e i sbeibles sonaa n su e n su.
(Se veit amò i bujes te la crepa olache la tacaa i ciavai, se veit amò i anìe mpiombé. L sas se chiama Doleda.)