La farfalla
La farfalla
Guardee quella farfalla
Lì intorna alla candira,
Guardee come la balla,
Guardee come la gira.
La cred fors che la sia
La fiamma on quaj bel fior,
Cialina! scapa via!
T'el sèntet nò 'l calor?
Oh dess! la par striada,
La par ligada lì!
Ah! che la gh' è! L'è andada.!...
Ma. nò... l'è chì, l'è chì!
L'è chì sul tavolin...
Vardela, poverinna!
Ghe s'è brusaa on sciampin,
Ma tant la se strascinna,!
- E inscì mò t'ee imparaa?
Te l'ee sentuu'l brusor?
Adess che te l'ee usmaa,
T'ee vist se l'era on fior? -
Ma ohj dove la va?
Vardee, vardee, vardee!
La torna a rampegà
Sù per el candiree!
La; và su la candira...
La và fin sott al mar!...
Le guarda, le remira,,,
Chi sa coss' el ghe par!
- Tel vèdet? set contenta?
Te see scoduu'l petitt? -
EI par che la me senta,
La fa balà i cornitt.
- Damm-a-trà a mì, va vìa!
Scappa! t'ee vist assee!
Quella fiammetta stria
La voeur tiratt con lee!
Scappa! va là in giardin,
Povera desgraziada!
Va a medegà 'l sciampin
Col fresch de la rosada!