La fin del Mond

by Luigi Fumagalli

Gli’ è per aria, in 1’ atmosfera,
(come quand ve’ un temperai,
che se cambia, poeu, in bufera,
e, avanzami, el slarga
i ài quattand giò de scima a fond
ciel e terra, e tutt el mond)
on quai coss che no se sa,
e el ne fa sta lì a guarda !
Gh’ è in tucc nu’ on presentiment
che, on di o 1’ alter,
dev vegni on quaj gran sconvolgiment;
di grand robb de fa stordì ;
on gran bùj, on diavoleri,
cont on prossim spottasceri
d’ona mezza umanitaa
centra l’ altra soa metaa !
Hin duu temp che se scombatt,
che se disputa el terren ;
vun ner ner, 1’ alter scarlatt ;
vun che va, 1’ alter che ven ;
vun, che vanta i so ideai,
r altr’ i dritti madioevài ;
vu’ i diritt de la reson,
r altr’ i sant istituzion !
E, compagn d’ on ammalaa,
che ghe par de sollevass
dai tormenti di sò maa
col voltass e rivoltass,
istess nun strusem innanz,
dent e fceura coi speranz
de trovà, in d’ ona voltada,
de infila la bona strada !
Ma, intrattant, gh’ è una fiacchezza
che ne snerva a pù non poss,
provenient da ona certezza
che se deev cambià tuscoss ;
e che, prest, vegnarà el di
che avarem pu de soffrì !
Non semm no quand el sarà, . .
ma, già, insci la pò pù andà !