La insuda
La insuda.
Sion da insuda,
Sion nte n' autra sajon,
L sol à cambié, no n' é pì chel,
o ce bel!
La insuda la é chilò
E sto invar fret el no comanda pì
L à cugnù se n jì.
Salve chi à creà ste beleze
De sta sajon che l' é la insuda,
bele vignuda.
La sta n crudo da valch sta ota,
Giazava ite dut nfin i sas
e incia l nas.
Ades godonese la insuda
Che la é vignuda bona ciauda
chesta sì sciauda!
Da insuda duc i é contenc
Parcé che no n' é pì cuscì chiet
ne gnanca fret.
Ades duc va de fora
E se scomenza a laurà
e sintinà.
Incia le femene le daur el barcon,
Le lassa la ciauza e la roda
e le va de fora.
De fora dut l é bel vert
Ste arbe le scomenza a vignì
semper de pì.
E i guziei i é iaro chilò,
La é tan bela sta sajon,
se la godon!
Le zigre i é vignude,
Le scomenza a fabricà
e ristaurà.
Canche i centa duc auna
Sti guziei i fà n gazer
che l é n piazer.
pagina:88
Le fuoie le scomenza a spontà
Malapena che somea a ziti
bafi de coscriti.
Insoma la insuda la é bela.
Calche ota ven n' onda
ciara e monda.
Incia l ziel l é bel saren,
De not l é dut stelà
da incantà.
I siori istesso, i lasse le basse,
E i se tira pì aut,
che l é manco ciaut.
Infatti n auter vive l é ades,
La porta content sta sajon
de chel bon.
Ades le not le ven pì curte,
E de not no se va pì,
l é meo dormì.
E cuscì me avé capì.
Chi da Col i é furbi e fign,
pu i é Ladign!