La pioggia d'oro (part 1)
Tomas Gross (1790-1853)
La pioggia d'oro (part 1)
Quand sto nost mond l'era ancamò bardassa,
in temp che l'era dree a cascià i primm dent,
ch'el sarà ben cent mila ann e passa
se no l'è forsi già passaa dusent
gh'era ona razza de omenon
desutel, tajaa giò cont el folcion.
Vegneven su de terra comè i fong
linœucc, tamberla, candirott, intregh,
negher, pelôs, con mezza spanna d'ong,
darusc comè la lisca di cardegh,
Buttaa là de bislacch come salamm
lasagnent, pilattent, rabbiaa de famm.
Staren sti gnucch de geni in d^on paes
Bandonnaa^ senza bastion ne dazi:
No gh'era monestee, no gh'era ges,
Pareyen bestl , e se ciamaven Trazi ^
Mezz biott e mezz restii de foeu} de figh ^
E no mangiaven olter che panigb.
On cert Orfee nassuu in de quij contorna ,
Che l'èva on rossignoeu in mezz ai gasgiott,
El compatissi, ghe vegneva i coma
A vede sti scbu pover patriott
A viv inguai di besti^ anzi anmò pég^
E V ha pensaa de converti) a la leg.
Studia machinna, on di, cossa el fa lù,
Je cura tntt insemma sti calvari :
El va in su on sass e el sbragia:
— O turlurù! Demm a tra , che vuj fav el missionari :
— Resten lì tucc : lu el fa ona reverenza ,
El spuva, ol netta el nas , e poeù el comenza.
— -Eel mò possibel, mammalucch fottiiu,
Che siev tant ignorante tant intrigaa
De yegnì grand e gross e scopazzuu
Senza nanca savè ehi v'abbia faa?
Ah razza de somar degn de galera,
Fin quand farii la vacca in sta manera?
Dervii quij oeucc o tòcch de lumagon,
Àlzee quij lenden e guardee per ari;
Presto quij manasc in orazion ;
In terra quij genoeucc brutt ziffolari.
Che là su inscima, che ghe par nient,
Gh' è Barba-Giove cónt i so parent
E, sanguanon ! se farii tant el gnucch,
L'è quell mostacc de tceuss àdree oh bon legn,
Borlav adoss, ciappav per i pelucch,
E daven tanti de lassagh el segn ,
Che saraven ben daa in coscienza mia,
Razza de can barbin, e così sia. «^
Chi 'l se padima, e móccio! per spi'à
L' effett eh' el fava sto ò pahgeliregh :
Ma noi sent che dò vós - Gh'hoo de tira?
La diseva la prima, e Poltra — Tiregh!
E in quella, sbassa subet la zaffagna ,
Ch'el ved per aria on quart d'ona montagna.
Adoss,adoss ! dai, cappel! tireg ! molegen !
L’è sott e sora tutta l'udienza :
L'era fenida per el sur tëolegh ;
N'ayaraven faa dent ona carsenza ,
Se vott o des pu scrocch o pu sonaj
No se impegnaven per fini sto guaj .
Allora vun , tujend lu la parolla ,
El se revolta a quella razza-paja ,
Sbragiand: - Sto sur Orfee l’è ona gran ciolla ,
Che no ' l sa nanca lu quell ch ' el se baja.
E la marmaja la sbragiava anch lee :
- L'è vera , l’è ona ciolla el sur Orfee.
Repía on olter : Dove l'è ' l cilapp
Ch'el gh’ha mostacc de vorenn bastonà ?
L'è Barba-Giove ? ch'el se batta i ciapp
Che l'emm nanch per la cassa , andà a cercà ! -
E tutta quella razza-paja in massa :
- Andà a cercà ! l'emm nanca per la cassa.
-- Fee d'ona cossa , sentimm mì ; vedemm
Prima chi l'è sto Giove , el dis on olter ;
Veduu che l'abbiem , se regolaremm
Segond quell che ne par , e n'occorr olter .
El seguitava ; ma'l da su on rebell :
- Vedemmel , sì signor , voeurem vedell. --
Per vegnì al sugh , Orfee de lì on bell poo
Che gh'è passaa el stremizi del buratt ,
L’è andaa d'accord con tutt quij scorla coo
De lasså i lapp de part e vegnì ai fatt ;
E lì , guardand in su foeura d'on boeucc ,
El ved dia Giove, e'l te ghe schiscia on @ncc.
Lu el le capiss, e , senza fa reson ,
Giò ficuj ! vott o des stralusc in fira ;
Intant ziffolla el vent , barbotta el tron ,
Canten i rann , e Giove el toeu la mira
In sul mont Emo in d'on gran scepp pendent,
Tarlach ! ona sajetta , e picchegh dent.
Quell scepp borlonand giò ' l tira adree insemma
Terra , sass , piant , tuttcoss a rebellott :
La rembomba de sott la vall , la tremma
La montagna , ch' el par el terremott :
L’è tant el scagg ch 'el mett, sangua de legn !
Che se desconscen tutti i besti pregn .
I Trazi resten lì come de gess ,
E volzen nanca de tirà su ' l fiaa :
El sbragia Orfee : — Sii mo' content adess
Che avii sentii che Giove l'ha parlaa ?
Sicchè? gl’eel o no gl' cel ? disii i mec tos ,
Aln ? v'è duvis ch' el gli ' abbia bonna vôs ... ?
Respond nissun ? .... Ah razza sbolgironna !
Donca non gh’avii pu nient in contrari ?
Ben , tegnii sald ; questa l’è ona coronna ;
Adess ve insegnaroo a dì el rosari ;
E intrattanla che mi cantaroo messa ...
Ma el sbragia yun: - Cribbi e boffitt, che pressa !
Quest l'era on manzerlon longh on trabucch ,
Ona faccia de forca , de dannaa ,
Stizzent come ona vipera , mazzucch ,
Inzigós , negher , brutt come'l peccaa,
Ch'el solta lì del post in dove l'era
Seguitand press a pocch in sla manera :
Adasi, adasi , scior prevost , con quella
Lengua de berta , che molin de vent ,
Sangua d'on biss ! quant ciaccer , che tapella !
Cossa fet cunt , de metten in convent ?
Toffela boeus ! el mc car sur prevost ,
T ' lice faa i to cunt sta voculta senza l'ost.
Cossa l' è tutt sto ruzz ? Coss'ha che få
La vós de Giove con quell gran frecass ?
Nun l' emm sentii ? Nun emm sentii a tronni
A s'cioppà el fulmen , a borlà giò on sass ,
E fà ona bolta ben stramarcadetta ;
Ma no l'cra che tron , sass e saetta.
Te darisset d'intend de infenocciann
Con sti to lofli per menann a bev ?
Côcó ! gl’hét olter che sti patanflann ?
Salvi per quij che je vorå ricev ;
Ma a nun, perdì .... no ne sta a roup la pippa.
Che Giore , che no Giove de la lippa ? -
Chì il se fa brusch , el scorla el coo, el ven ross,
El scricca i denc , e ' l te ghe dà on' oggiada
De porscell mort , de faghela fà adoss ,
Quand per desgrazia nol l'avess già fada ;
E poeu lott lott , lott lott ; el volta via
Guardand indrec ogni pass : csuss maria !
La turba intant de quij despeccenaa
A corr , a domandass , la fà on bodesg
Ch'el pariva come quand ven d'estaa
Di voult in temp de nocc quij gran slavesg,
Che se desseda , se alza el coo dal lecc ,
E se sent l'acqua che la ven giò a secc.
[...]