La tegnœula
La tegnœula
Me regordi che on dì, in la mia scœula
hoo veduu sgorattà ona tegnœula.
Tutt stremii me son miss a vosà:
Te la chì, te la lì, tela là!
La maestra, stremida anca lee,
la desmett de spiegà l'abecee...
anca lee la da fœura a strillà:
Te la chì, te lalì, tela là!
I fiœu, sbalordii, spaventaa,
resten lì mezz minutt senza fiaa...
e pœu trach, tucc insema a sbraggià:
Te la chì, tela lì, tela là!
Cont la scova el va a cacia el bidell,
nun scolar trem per ari el capell
dandegh dent a sguagnì, sbragalà:
Te la chì, te la lì, tela là!
A man dritta se sent Tela chì
a sinistra respond Tela lì
d'ogni part on tremendo tronà:
Te la chì, te la lì, tela là!
La tegnœula, giamò mezza morta,
la g'ha cœur de scapà de la porta,
e nun piangem, podend pu vosà:
Te la chì, te la lì, tela là!