La val de Gherdëina
La val de Gherdëina.
Gherdëina, bela valeda,
Gherdëina, bel rujené,
Gherdëina, bela Gherdëina,
T' ame plu che me.
Saslonch y Pic y Cuca,
Da Bula nfin Mastlé,
Da Plan nfin a Pruca:
Cialé se n pon assé.
Tei crëps y prei y monc
Ne vëighen segur inió;
Sul mond no lerch no lonc
Ne iel plu bel che tlo.
Gherdëina, te ies furteneda;
Unëur a chi po dì:
Gherdëina, bela valeda,
Cie bel a vester ti fi.