La vea apede n mort
La vea apede n mort
I veies fascegn i dijea, che fin che l corp l'é te ciasa l'é ence l spirit aló, e i aea na trìcola tant mata, che no i se fidaa star dal mort, se no i era amàncol teisc de vin e ciarn. Guai star famà nlongia n mort. L levaa sù e l lo magnaa sobit. Na uta l'era n pere cos, che fajea vea apede n mort. L'era famà, mo no l'aea moneida da se comprar valch. Da mesanot l'é levà sù l mort e l disc: "L'é temp che ciape n bon bocon", e l volea brancar chist pere om. Mo chist l sauta co na man te bolga e l troa trei fae e l le met te bocia e l disc: "Tu sas, che son n pere cos e che de taf e slap no é da garat, ma fin che é da manducar, no tu fide me far valch". E l mort ge à dat rejon e l'à dit che n vita soa l'arà semper da magnar e da beiver teis.