Le touse da ...
Le touse da ...
Le piòtole e le chegoze
L'é fruc, ma no ensaorii,
E le touse da...
Gio te le lasce a ti.
Tu dis che le é gustégole,
Se cogn ge voler ben.
Sarà ma gio dijesse,
Che l'é massa n legn.
Tu dis che le é riciote,
Le é rosse desche n pom,
Ma no l'é l drap de ciasa
Amàncol chiò sunsom.
Le grigna e le sospira,
O le te varda fit.
Scì proprio desche le càssole
Canche le lascia n schit
A mostro de n lengon,
Seben chi che tu creis,
E ntant chela moroji,
La n'à po giusta teis.
Perché no se maridela?
La speta jà da n pez,
che vegne n toch de brae
A la menar demez.
N trat i va, ma da ùltima
(Ma la sarà pur dite)
Le met ca sora l'usc
Per chi che vel jir ite.