Le vire sön munt
Le vire sön munt.
Vëgnel da doman la de,
denanche sorëdl sii loé
é i crëps sorandorés,
la rosada te chi pres.
/: Ai, ci bel odëi le monn,
sö alalt sön cösta munt!
Ai, tan bel ch'al sá
desch'al foss le mëns de ma :/
É sorëdl spo loé
vá la ciassa a mangé.
Dlunch encërch al rondenësc.
Le gosté spo düc co fej.
/: Ai, ci bel …..
pagina:23
Án torné la pëgna spo,
mangion smalz y pan lapró,
fej sö zigri bi spizés
desch'ai foss entorenés.
/: Ai, ci bel…..
Le ciampëi con cion corusc,
dlunch florësc encërch les flus,
i paí co jora encërch,
n bun odur él lunc y lerch.
/: Ai, ci bel …..
Vën le iagher sön chi crëps,
ciga spo la senerin trep,
cianta l'ürle sön n col,
dër dalunc aldí le pól.
/: Ai, ci bel …..
Vëgnel nëi y frëit dassënn,
tlo te munt ne stán plü ienn.
Ienn s'an ván a ciasa jö,
mai ne stesson plü cassö.
/: Ai, ci bel …..
Ai, ci bort odëi le monn
sö alalt sön cösta munt,
ai, tan bel ch'al sá
de s'an jí dla munt ciará!
/: Ai, ci bel …..