Ledagugil

Ledagugil sembal äkömom du jalep nifatima leni litöp feilela relik, äsif viliko ävipomöv ninkömön. Eko! feilel ämanifom litöpi, ed äsumom nimili telodik fleniko ini löd omik. Nu älufidom bodadilis, kels de tab äfaloms. I cils in dom älöfoms ed ädivoms bödili. Abu ven nu flolatim denu äkömom in läni, e bujadems ebledemomsok, eko! feilel ämanifom litöpi omik, e lotil denu äflitom ini fotil nilik; äbumom smabedi omik, ed äkanitom yofiko kanitili omik.

Ab nifatim äkömom denu e logölod!^[1] eko! ledagugil äkömom denu ini löd feilela ed ikoblinom vomili omik. Feilel ko cils omik ägälokoms vemo, ven älogoms nimilis bofik, kels äzigoloms telodiko se logils; e cils äsagoms: „””Bödils lenlogoms obis äsif ovilomsös sagön bosi.” Täno fat ägesagom: „If äkanomsöv pükön, osagomsöv: Telod flenik mekom galön telodi, e löf bevobädom kollöfi.”

Krummacher.
(Pelovepolöl fa M. ZWAANSWIJK).

NOETS. (Vükifonät)

1. Bükapök; pla: logolöd.

Se Nuns blefik se Volapükavol 1895, Nüm: 12, Pad: 9.