Legälam

Fa Victor Hugo. Se flentapük fa V. Björkman.

Soalik ästanob du neit lestleik
nebü mel nen nafins disü sil nefogik.
Logs obik ädlänokoms fagü lin tala.
Bims e bels geilik edü nat lemäno
äjinoms kofudik dasäkön mürölo
lubelis vatas e filis sila.

E lemöd nefinik stelas et golüdik
nu lovik, nu tonik, in balvög milagnik
gepükom biegöl filaklonis stalöl;
ed i vats yulibik, kelis näms no mütoms,
düsölo kapünis leskömik äsagoms:
Lemekal binos, Lemekal regöl!

Se Volapükisten 1889, Nüm: 54, Pad: 2.