Libre de Memorias/1351
| ← 1350 | 1351 Libre de Memorias |
1352 → |
L'an MCCCLI foron Cossols
- Mesier Guilhem Morut, per Taulas.
- Senhor P. Astrebo, per Mercadiers.
- Senhor Guilhem Rossilho, per Mazel.
- Senhor P. Abelha, per Messiers.
- Senhor P. Bonnet, per Fabres.
- Senhor Ramon Folcran, per Lahor.
- Senhor Johan Bandriga, per Sabatiers, a moric Cossol.
Foron Clavaris.
- Johan Benezeg, per Mercadiers.
- Ramon Orts, per Sabatiers.
- Johan Andrieu, per Messiers.
- Bernat Raynes, per Fabres.
Foron Caritadiers.
- Brenguie Augie, per Taulas.
- Pons Amielh, per Mercadiers.
- Ramon Navar, per Messiers.
- Pey Ramon Revel, per Fabres.
Aquel an feron de talha per testa 1 florin. Pus denier 1 seyre d'escut. Pus per denier 1 ters de flory.
L'an sobredich MCCCLI fouc una granda questio entre la Cort de Carcassona e la Cort de Bezes; so es a saber, que per mandamen de mossenhor lo senescalt de Carcassona, venc a Bezes maystre Ramon Rogie per comessari, et ben XII sirvens de Carcassona per trayre alcus sirvens rials que se dirie que avian fach una gran enjuria al jucge de crims de Carcassona. El dig mossenhor senescalt volen far justicia volia que lo dich comessari los ne gites de la cort de Bezes, els ne menes à Carcassona; et sobre aisso, los senhors Cossols de Bezes foron requitz que los plagues, que per la vertut dels privileges quels avian de nostre senhor lo Rey, quels no sostenguesse que la Cort de Carcassona non los trenquesso; quar els volian que si els aguesso res fach, que la Cort de Bezes ne feres justicia. Els senhors Cossols, vezen et regardan la enjuria van perpenre la dicha causa, el quas que los ditz prioniers aguesso facha causa mal, a pouch que lo dig mosssenhor senescalt ne feres justicia, quant se vengra a las sizas, en aissi coma lo cosselh de la Cort de Bezes ordenera.