Libre de Memorias/1353

← 1352

1353 Libre de Memorias

1354 →

L'an MCCCLIII foron Cossols

• Senhor Cabot Cabot, per Taulas.
• Senhor P.Raynols, per Mercadiers.
• Senhor Johan Coregie, per Mazel.
• Senhor Brenguie Laures, per Sabatiers.
• Senhor Johan Garnit, per Aludies.
• Senhor Johan Rossel, per Peyralies.
• Senhor Guilhem Roma, per Lahor.

Foron Clavaris.

• Jacme Banuieyra, per Mercadiers.
• Peyre Thomas, per Sabaties.
• Ramon Huc, per Aludies.
• Johan Costans, per Peyralies.

Feron de talha aquel an per testa mieg escut et I. quart d'escut per denier.

Pus mieg escut per testa e I. quart d'escut per denier.

Pus una talha ad ops dels murs VI. deniers per denier.

E levet se per XV. sempmanas.

Foren levayres de bans

• Bernat de Badonas, per Taulas.
• Johan Raynaut, per Mazel.
• Peyre Romieu, per Lahor.

Foron Carrieyres.

• Guilhem Audi, per Taulas.
• Peyre Cabot, per Mercadiers.
• Peyre Segui, per Mezies.
• Ramon Vilar, per Peyralies.

Foron Caritadiers.

• Guilhem de Badonas, per Taulas.
• Ramon de Mars, per Mercadiers.
• Johan Baudriga, per Sabatiers.
• Jacme Beninha, per Mazel.

Aquel an fouc mes seti davan Sant Antoni per lo comte d'Armanhac lo dimengue davan Caramantran, quar los Engles desquals era capitanis lo captal de Buch, avian pres lo dig loc, e lo tenguero entro pres de Sant Miquel que lo desemparero de lur bon grat e pey aneron en Bordales.

Aquel au meteis intret mossen Huc avesque de Bezes, e intret al portal de la Costa del Pon. Els senhors Cossols van far claure lo dich portal, entro que agues jurat las libertatz e les franquezas de la viela, e l'arcivesque de Narbona son frayre va li dir que leves la ma sus aut al portal en senhal de juramen, IIII del mes de may. Pres ne carta maystre Esteve vices e maystre John de Camplont. E aquel jour fes sobre gran freg e sobre gran ven, que tombavan los teules des hostals que hom non auzava anar per carieyras.