Libre de Memorias/1365

← 1364

1365 Libre de Memorias

1366 →

L'an MCCCLXV foron Cossols

• Senhor Brenguie Bertran, per Taulas.
• Senhor Peyre Boquie, per Mercadies.
• Senhor Ramon Gaudel, per Mazel.
• Senhor Bernat Melharies, per Sabaties.
• Senhor Peyre Cambavielha, per Lahor.
• Senhor Johan Garnit, per Aludies.
• Senhor Guilhem Bartha, per Peyralies.

Foron Clavaris.

• Andrieu Amielh, per Mercadies.
• Johan Bon. Sauisi, per Mesies.
• Bernat Arnaut, per Sabaties.
• Helias Geli, per Peyralies.

Feron de talha per den. I franc e mieg.

Foron levayres de Bans.

• Ramon Brenguie, per Taulas.
• Peyre Acde, per Mazel.
• Johan Cortes, per Lahor.

Foron Carrayries.

• Ramon Alari, per Taulas.
• Peyre Leonas, per Mercadies.
• Benezeg Guitart, per Aludies.
• Paul Rossela, per Peyralies.

Foron Caritadies.

• Guilhem Cotelier, per Taulas.
• Guilhem Carle, per Mercadies.
• Johan Dolha, per Sabaties.
• Johan Corregie, per Mazel.

Aquel an dessus dich MCCCLXV, se comenset ad empauzar la gabela de la sal.

Item aquel an mezeis fouc fag acort entre los senhors clercz e los senhors Cossols, de Bezes que totas las mesuras quals que fosson dels capitols, de Monflores, de l'almorna, de Sant Aphrodisi, e de Sauma-Longa, tornesso a mesura queres de la peyre en lo capitol de Sant Nazari.

Aquel an mezeys MCCCLXV a XVIII de febrier, comenset a venir a Bezes lo duc d'Ango, frayre et lottenen del Rey Karles Rey de Fransa, filh del bon Rey Johan, en Lengadoc.

Item aquel an dessus dig vengueron de langostas, che a penas vezia hom layre del cel.

Item en aquel an fouc tratat et ordenat per los ditz senhors Cossols e la cort de Bezes, que tota femna que se aiagues denfant, al bateiar del dich enfant non anes ni agues sins VI o VII homes e atrestant de femnas et aiso sur la pena de I. franc.

En l'an MCCCLXVdessus escrig, pagava la viela de Bezes als subsidis et talhadas, per XII cent menhs V fuox, et duret entro lan MCCCLXXVIII, que torneron los fuox de Bezes a VI cent fuox.

Item es tornada la senescalcia de Belcayre de LXX melia fuox que y avie a XII melia fuox.

Et en aquel an MCCCLXXLVIII, trobet se que de cent melia fuox que avie en la senescalia de Carcassona lan MCCCLXIII, fouc tornat e armeniat a XVI melia fuox.

Item la senescalia de Tolosa, de L. melia fuox que y solie aver come dessus es dich, es tornada a VIII melia fuox.

Soma las tres senescalcias XXXVI melia fuox.

E solie ne aver CC. e XXIIII melia fuox.