Libre de Memorias/1373
| ← 1372 | 1373 Libre de Memorias |
1374 → |
L'an MCCCLXXIII foron Cossols,
- Senhor Johan Bermon, per Taulas.
- Senhor Guilhem Karle, per Mercadies.
- Maystre Esteve Prunet, per Notaris.
- Senhor Peyre Aede, per Mazel.
- Senhor Ramon Massas, per Mesies.
- Senhor Breguie Graza, per Coyraties.
- Senhor Guiraut Portel, per Orgies.
Foron Clavaris.
- Esteve Desmas, per Mercadies.
- Maystre Ramon Catala, per Notaris.
- Guilhem Castras, per Mesies.
- Johan Fromic, per Coyraties.
Foron levayres de Bans.
- Andrieu Gasc, per Taulas.
- Jacme Causenueiols, per Mazel.
- Guilhem Miquel, per Orgies.
Foron Caritadies.
- Guilhem Cotelier, per Taulas.
- Pons Floyra, per Mercadies.
- Jacme Sicre, per Mazel.
- Esteve Campanha, per Orgies.
Foron Carayries.
- Senhor Ramon Cotelie, per Taulas.
- Senhor Esteve Fabre, per Mercadies.
- Maystre Ramon Seguie, per Notaris.
- Senhor Johan Emengau, per Mezies.
El senhor Guiraut Portel era Cossol per orgies. Totas ves la scala dels ditz orgies non ho volian. Tolz aneron sen a la cort, e van far quel no jures ni feres la sagramen coma los autres senhors, e van li empausar querel era lebros et mezel. D'aiso lo dig senhor Guiraut Portel sen defendet, en feq la proha quel era sa a net; totas ves a tant quan duret la pladeiaire la cort y mes regen en son luoc, soes a saber, lo senhor Jacme Lombes, loqual fouc vestit del tros de las rauhas dels ditz senhors Cossols; e fenida la pladeiaire, fouc mes et receubut en cossolat coma Cossol, e regic coma Cossol; don las escalas de oriarie, de fustarie e del Lahor lo van vestir dunas raubas semblablas ad aquelas dels autres senhors Cossols. El sobre dig senhor Jacme Lombes fouc foras; mays el non perdet per so sas raubas.
Aquel an feron de talha per denier II. franx.
L'an sobre dig, a II. del mes de mars, lo premier dimecres de carema a miega nueg, fouc gran terra tremol per tot aquest pais, et fouc dos ves en aquest an.
L'an sobre dig, fouc facha la cambra de costa la Clavarie, els setis que son de dins la porta d'ella Mayo comuna.
Aquel an meteis los ditz senhors Cossols venderon lo soquet del vi que era la octava part.....XIX.cI lbr.
- La peyssonarie...... IV.c lbr.
- Lo pes del blat..... XVIII: lbr.
- Lo Mayel............ II.: lbr.
- La polarie.......... LX lbr.
Pus lo quart de la sal preseron los clavaris de la Mayo, loqual mossenhor d'Ango donet a la viela de Bezes.
Pus donet lo sobre dig mossenhor d'Ango a la dicha viela de Bezes lo quart de las emposicios.
Aquel an meteis, autrieron los comus de las tres senescaleries de Carcassona de Tholosa e de Belcayre, al sobre dig mossenhor d'Ango, IIII franx per fuoc.
L'an dessus MCCCLXXIII, a XIIII de novembre, fouc facha la transaccio et l'accordi dels senhors Cossols de Bezes e dels jusieus; soes a saber, que daqui avan los ditz jusieus ne prestesso ni aguesso a prestar a deguna persona, qualque fos de la dicha viela, aur ni argent, am carta ni sus gatge; e en cas que ho ferosso, quels non prestesso degun renou; pres ne carta maystre Johan de Fontaynas.