Lifanunods tidelas volapüka. Bakalař-Srbecký J. M.
Pemotom in yel 1857, velul 16., in Srbez lä Kojetein-Nezamislitz (Koyetayn-Nesamisliz) in Märän, kö fat omik ebinom cödel paga e cif komota du tim lonedik. Estudom in gümnad de Kremsier (Kremsir) e Prerau, godavi in Brünn, kö egetom sanälekami in yel 1884 fa bijop Bauer.
Binom nu kapülan e katekan in Lundenburg, plofed vpa, spodal vpakluba in München e kopanal vpakluba zenodik Löstäna in Wien. Egetom dipedi balid in Märän as tidel vpa in yel 1887, kilul 23., nüm 408.
Evalom volapüki in Bömän e Märän, e valiko in pük bömänik (ceqik) dubü laltügs in delagaseds e dubü pükats maniföfik dö vp. Elautom in glamati e vödabuki volapüka plo ceqels.
Id om emutom sufön nelesumöfis teldik, ab ebölüdom nevelo sufädi, sod vobom egelo ziliko tefü pakam volapüka in lom okik.
Se Mulapenäd nebolitik: Volapükagased 1889, Nüm: 1, Pads: 5.