Lolasmabim

Lovepolot se deutänapük, in “Volabled” de Napoli.

Jipul slipof in flolatim

Disü lolasmabim,

Slipof molo, dlimof svido,

Lanels glidoms fleno.

Yels fegoloms.

Vilgin stanof in hitatim

Nebü lolasmabim,

Pedof, fa von peduglutöl,

Nami su lad noköl.

Yels fegoloms.

Mot kienof in flukatim

Nebü lolasmabim,

Dlens danidoms in log ofik,

Memof delis vönik.

Yels fegoloms.

Pesäbledöl lolasmabim

Stanom in nifatim,

Bleds äsigoms, ädefaloms,

Sepi stilik tegoms.

(Soloturn-Jveizän).

MEISTERHANS ANNA

Se Kosmopolan 1891, Nüm: 1, Pad: 5.