Maikaʻi Ka Makani O Kohala
Hui:
Ko aloha, ko aloha kaʻu mea nui
He makana, he makana na ka puʻuwai
Maikaʻi ka makani o Kohala
ʻIke ʻia e ka Inuwai
ʻO ka wai nō ia pono kāua
Wai kaulana o ka ʻāina
Nani wale Niuliʻi kāhela i ka laʻi
ʻEkolu ʻōpua i hiki mai
Ālaʻi ʻia mai e ka ulu hala
Nalowale ka luna o Hāpuʻu
ʻElua māua i ka holo i ka lio
Kāohi ʻia mai e Pololū
Mea ʻole ka piʻina aʻo Kupehau
Ahuwale nā lehua o ʻAwini
Haʻaheo ka hau i ka mauna
Kahiko i ka ohu o ka nahele
E ka oni mai nei lilinoe
I ka ʻohu noe i ke kuahiwi
Ana ʻole ka makani iā Kohala
Holohia a ka ua Naulu
Aia ka luana i Makapala
I ka hea mai a Niuliʻi
Nê hone ka leo o ka wai
Hana pono i ka poli o ka ʻiwa
Kuʻu ʻiwa kuʻu lei kāhiko ia
Na pua lehua i ʻAwini
|
This work was published before January 1, 1929, and is in the public domain worldwide because the author died at least 100 years ago. |