Maria Madalena BRA
Maria Madalena BRA
Gejù l'é se n jit su la Mont de l'Oliveto.
E da doman bonora l'é retornà te gejia, e ducant l pòpul é vegnù da el, e el sentà ge à ensegnà.
I scribi e i farisei i à menà na fémena troada te n adulterie apede el, e i l'à metuda te mez.
E i à dit a el: Maester! chesta fémena se l'à troada ades te n adulterie.
Ades Mosè comana te la sia lege, che se ge tire de sasc a na tala; che diste po tu?
Ma chest i dijea per tentarlo, acioché i lo podessa acusar. Ma Gejù se à arbassà en ju col cef, e l'à scrit col deit jabas.
Dapò che ic seghitaa a domanarlo, el se à drezà sù, e l ge à dit a ic: chi che de vo é senza pecià, tire l prum n sas contra de ela. E el endò se à arbassà e a scrit jabas.
Ma chi che sentìa chest, se n jìa fora un dò l'auter, a scomenzar dai più veies, e Gejù é restà soul co la fémena te mez.
Dapò che Gejù se à drezà sù, l'à dit a la fémena: olà éi pa, chi che te à acusà? No él nesciugn, che te à condanà?
Ela à dit, nesciugn Segnor! Ma Gejù à dit: nience gé no te condane, va, e ades a vegnir no peciar più.