Mauna Loa
Hui: [1]
Hoʻohie ka ʻiʻini iā Mauna Loa
Ka ʻōpua kuhaʻo i ka mālie
Ua like ʻoe me ka ao naulu
He nohea i ka maka o ka malihini
Malihini ka ʻikena a i na Kona
ʻĀina i ka maka aʻo ka ōpua
ʻŌpua i hui ia me ka hinano
Lei aloha o ke kai maʻokiʻoki
Kaulana Kailua noho i ka laʻi
Me ke kope moe ʻole o koʻu po
Kau aku i ke kaʻa automobile
Ke ʻola onaona noho i ka uka
Uluwehi i ka nani o Kalehuanui
Me ka nani kaulana o Kaʻawaloa
ʻIke i ka nani o Hale o Keawe
Puʻuhonua ia o ka lehulehu
Aia ka ʻiʻini a i Punaluʻu
Kai maʻkaikaʻi a ka malihini
Ke hea mai nei Kīlauea
Me ke ahi hoʻoheno a ka wahine
Ulu māhiehie nā malihini
I ka wehi i ka liko aʻo ka lehua
Aloha e ka lau malu o ke koa
Pili aloha ia me ke ʻala
Kilohi i ka nani aʻo Maukele
Ala hele nani i ka maka o ke ao
Aloha e ka ua Kanilehua
Ua poina ʻole i ka malihini
Kilakila Haili a e kū nei
Home hoʻokipa mau me ke aloha
I laila au i walea iho ai
Me aʻu lei nani i ka puʻuwai
Kau nui aku nei kahi manaʻo
E ʻike i ka nani aʻo ke kaona
Ke huli hoʻi nei ka Maunakea
Me na ʻōpua i ke kakahiaka
Hoʻoipo ke aloha o na Kahikolu
Kiai maluhia me ka lanakila
Haʻina ʻia mai ana ka puana
Ulu māhiehie noho i ka ʻolu
Haʻina hou ʻia mai ka puana
Kuʻu lei Mokihana poina 'ole
Notes
edit- ↑ Each verse is repeated as a chorus
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |