Me portëise mia viesta, signur maester
Me portëise mia viesta, signur maester
Me portëise mia viesta, signur maester?
Signur scé, iö l' à chilò.
pagina:251
M' avëis fat aspetè die.
Mo, mi bun Signur, iö n' à mefo podü gnì denant, perćì che ël n' ê ćiamò finì. E per fà na cossa indertüra, mëssen se lascè dlaorela.
Chël é bel dërt ël, mo a vos sartus ne pòn pa dagnora crëie tüt; perćì che impermetëis, mo ne mantignëis vign' ota la parola.
Scé, scé, fajun mefo inće nos datrai na ota, sco i gragn Signurs.
Vorëise avëi la bontè de ves la mesoré?
Scé, vorun pa odëi, sce ël và bëin.
Iö crëie che sarëise contënt con chësta.
Ëla me pê bëindebot lungia.
Chësta é desëin la moda con les joches.
Botonéme mo sö! Ëla m' é massa strënta.
Üna viesta bëin fata mëss jì do la vita ëla.
N' él pa les manies massa lerges?
Perdonede, ëles n' é nia massa lerges. In verité, chësta joca ves stà dërt bëin.
Ći costa pa le brac de chësta sotrata?
Iö l' à paiada dui taleri le brac.
Chëst n' é nia tröp ël, ëla é a bun priesc. Olà él le rest de mi pano?
Ël n' é avanzè nia, bun Signur.
pagina:252
Scé, scé, chësta é la ćiantia de tüć i sartus! - Ëise fat vost cunt?
Signur no, iö n' à ćiamò avü tëmp.
Portémele doman, che iö ves paierà.