Med gudik pakama
Sibinoms in län alik pösods lemäkabik e klubs u stits veütik, kels no binöl neflens volapüka aibliboms lindifik tefü om, bi no noloms setenami legletik datuva schleyerik.
If pösods, klubs u stits at getoms in del sembal gasedis tels volapükik, e bukilis anik länas difik, ostunoms, e onitedoms okis fefiko in din at.
Volekam sukada at binom nefikulikün e nedelidikün. Gased alik onunom in nüm alik ladetis tel u kil läna omik; redakels gasedas votik, e lautels kels oviloms pakamön vobadis omik, osedoms samadi bal al ladets penunöl in gaseds, steiföl das samads nakömoms-la in del pejonöl i fa gased alik, cedöl timi zesüdik al naköm.
Gaseds e buks neyulopik pogetoms poso.
As sam, pösods kelas nunob atoso ladetis, mütoms getön, in del balid velula, samadi bal gasedas valik volapükik e bükas kelas lautels oviloms sedön omis.
- S. D. Benito Angel Ramón, Ingeniero Jefe de Montes de la provincia de Guadalajara.
- S. Presidente del Ateneo de Madrid.
- S. D. Tomás Taylor, Capitán de Ingenieros, Comercio, 19, Pontevedra.
Begobs redakeles gasedas, if mob at pelensumom fa oms, posbükön omi in gased, gönü pakam volapüka, e gönü pakam gasedas ot.
Se Volapük: Gased bevünetik tedelik, nolik, literatik e gälodik 1888, Nüm: 6, Pad: {{{pads}}}.