Menù

by Giosef Brunel

Menù

Canche me maride envie jent e bestiam a noza e de ciaures n cope tante, che posse scuerjer dut l cortil. E dapò fae orc e bret e tòc de cruscet, e gnoches e fae e gnoches da muscions, e torta da scufons e ciajoncìe de megol de rames. E n bel piat da cater manties col venter en su per sparagnar l smauz fae portar sul desch, e apede ge mete n taer pien de tabach da nas. Me par che sie assà per na noza.