Meneghin d’ incoeu
Meneghin d’ incoeu.
I.
No, Meneghin l’è pu quell bontempon
semper viscor e pien de smorbiadura,
a sò temp barloamm e margniffon,
ma pussee scrocch, anch ben senza scrittura.
L’ ha voruu savè tropp cossa 1’ è el bon
e ’l gramm, palpagli al mond la fodradura,
per diventa filosof, sto cojon,...
e el s’è vanzaa de avegh l’ inveì sadura !
E, incoeu, quand el va fceura a la mattina,
ghe tocca mettes, per pari anmò quell,
on mascarott che scenda i penser negher:
ona scorlida... ona sperlusciadina
in di rizz ; pippa . . . ciav . . . baston . . . cappell . .
« E, s’ciao, andemm ! Va là, Pinin, su allegher ! »
II
In strada el rid, el ziffola, el giavana:
i donn je sperla e pesa li per li;
de gust spegasc de fed volteriana
el, giura che per viv a sto mond chi,
gb’ è ona bussola sola ancamò sana :
« Barbajada a levant; manz a mezzdì ;
e on gott e on tocch de serva a tramontana !...
E, se on idealista el ghe va a di :
« che gh’ è anca on cceur, on’ anima, on cervell,
che se contenten no de barbajada,
ma voeuren de 1’ amor, del bon, del bell...»
tajandegh el discors, el ghe siringa
l’ idealismo cont ona ridada;
« Ch’el faga on poo el piasè de sgonfiamm minga !
III
E la gent, che la ved, la dis: « Hè.. quell?
N’ ha nanca per i corni ! In del marnett
r ha de ghigna ancamò !...»-
Ma han de vedell, a mezzanott, in stanza, sol solett !...
Han de vedell allora, el brandinell,
quand, settaa su la sponda del sò lett,
guardand la fiamma, fiss, col zolfanell
el strèmuscia la franza del mocchett !...
Allora, se per caso duu gotton
ghe sponten in su i occ, e ghe ven su,
da on gropp ch’el gh’ha in sul goss, ona boccada
de brusch, . . . el fa per cascia indee el magon;
ma el coeur el batt, i lagrim tegnen pù . ..
«Su!... Allegher, donca!» E giò ona maccarada.