Mod difik, lonön delabeginami
Del natik panumom de solaxänam jü soladisam. Del lekanik u sifik lä yulopans mödikün penumom de zeneit jü zeneit. Tälans, cinänams, i yudans aibeginoms deli ko soladisam, kelüp beginom i del »kanonik«. Glikänans binoms soeliks, kels lonoms begini dela ko solaxänam. Mod gudikün e nomomafikün lonama dela binom de zeneit jü zeneit. Kanonöv numön düpis in ked levelik de bal jü telsefol. Täno kanobsöv lonön dub düp delatimi e no nedobs fovo sagön: büzendelo, pozendelo, vendelo, zeneito, zendelo, neito, gödelo. As sam: düp lulid pozendela - düp balsevelid, düp balsebalid neita - düp telsekilid, düp balid gödela - düp balid, düp jölid büzendela - düp jölid, düp zülid vendela - düp telsebalid, zeneit-düp telsefolid, zendel-düp balsetelid.
- Neudamm l. Küstrin
Se Volapük: Gased al pakam Volapüka 1894, Nüm: 4, Pads: 6-7.