Msoni gjuhën e vet

MSONI GJUHËN E VET nga Josif Bageri

MSONI GJUHËN E VET

Msoni gjuhën ju që kini,

Se një koh e mir na mbrrini!

Me msim shum t’mira do kini;

Përande n’errsi mos rrini.

Kish kjon mbarre me mohue,

Gjuhën e vet Naturale!…

Të cilën na s’kemi harrue;

Po e kemi msu në male.

E tani kur mundet sheshit,

A bon t’rrim na si t’ mahnitun?

O, leçitës venja veshit,

Se anmiku t’asht avitun.

Mpruej vedin dhe mso gjuhën;

Përparoni n’ditunia…

T’mos na verbojn kush me pluhën!

Prej atynej ç’kan skolia.