Muttom Salmak
Same Særvvegoddidi.
Samas jorggaluvvum darogiel ja suomagiel salbmagirjin J. A. Friis oudast morraš vuolde.
Maidnot Hærra, dastgo dat
læ buorre; lavllot su nammi
salmaid, dastgo dat læ havske.
Salm. 135. 3.
Maksa gutta ænkel
6 ß.
Kristianiast. 1862.
Prentijuvvum Brøgger & Christie lutte.
Ibmelbalvvalusa algatam salmak.
Nuotta: Mi šadda hætten migjidi.
Mel. Hvad kan os komme til for Nød.
1. Du muođoid oudi čoggup mi,
o gonagas buok bagjel!
Don celkkik, don sin lakka læk,
gæk angeret du čurvvuk.
De gula Hærra Jesus min,
mi ovta mielast čuorvvop du:
O lifčik dast min gaskast!
(Wexels Nr. 9.)
Ječas nuotta: Søde Jesu, vi er her.
2. Njalga Jesus, mi læp dast
gullam diti ællem sanid!
Ravast dal o Hærra fast
ješ min vaimoid ja min beljid,
vai mi vurkkep vaibmoi riekta
sane, du ja alme rika.
2. Sevnjudattum jierbme i
mate dovddat duottavuođa.
muđoigo min vaimoidi
Bassevuoigŋa cakket čuovga.
Burid sardnot, burid dakkat
fertte vuoigŋa famo luoikkat.
3. Suonjard ješ min sieloidi,
o don hærvvasvuođa čuovgas!
Boade don min vaimoidi.
nakkarin min bovte bajas!
Divt’ min rokkus gullujuvvut,
ja min daǥo likkostuvvut!
(Guldberg salbmagirjest Nr. 3.)
Ječas nuotta: Herre Jesu Krist dig til os vend.
3. Min bællai jorget, Hærramek,
ja vuolgat Bassevuoiŋad deik!
Min rađđe armoin, sæstemin
ja oapest ællem gæidnoi min!
2. Min njalme ravast videdet
du gudne ja du ramedet!
Ja laset osko migjidi,
vai namad ala luottep mi!
3. Vai lavllop mi ja basi væk’:
Don basse, basse, basse læk,
go oaǯǯop hærvvas muođoidad
mi avoin oaidnet almestad!
4. Dal Aččai lekus ramadus,
ja Bardnai, Vuigŋi gitalus!
Dam golmaoktlaš Ibmeli
dal gitos lekus ollasi!
(G. 4. Vexels, salbm. Nr. 11.)
Gitos ja ramadus Salmak.
Ječas nuotta: Alene Gud i Himmerig.
4. Aiv’ alme rikast Ibmela
mi galggap maidnot, gitet,
ja særvest sudnji vaiostrak
min gitos lavllag buktet.
Son rafhe saddi ædnami,
ja olmuš galgga illodet
su armost, buorrevuođast.
2. Du hærvvasvuođa oudast mi,
o Ačče, gobmardallap,
ja gitep du, min Hærramek,
du rakisvuođa oudast!
Don famoinad buok sivnedik,
don rađđik bagjel maïlme:
Dust galggek buokak ballat!
3. O Jesus, Ibmel æcalaš,
gi čokkak ače lutte!
Don Adani manaid lonestik,
min Hærra, soavatægje!
Du varad ja du jabmem bokt
don čovdik suddost, hæđest min
ja rappik alme rika.
4. Don ješ min aidno bæste læk,
gi ællem migjid’ addak!
Don læk dat oaffar labes, gi
min oudast jabmem girddik.
Don Ibmelin min soavatak
ja jabmemest min lonestak
ja audogassan daǥak.
5. Du duoje bokte, Bassevuoigŋ’,
mi gavdnap čuovggas, ilo.
Don soađest daǥak gievran min,
vai mattep vuoito vuoittet.
Don Satan vuostai væketak
ja vaibmoi osko sivnedak
min Jesus ala, Amen.
(Guldberg. 5. Wexels. 3.)
Nuotta: Dal allagasast ittam læ.
Mel. Af Høiheden oprunden er.
5. Halleluja, dal ramadus
ja gudne, maidnom, gitalus
mi buktep Hærrasæmek:
Dal sudnji lekus gitalus
ja maidnom, gudne, ramadus
min Aččai, sivnedægjai!
Gitos
salmak
galggek čuogjat:
Basse, basse!
Halleluja!
Hærra lađesvuotta bista!
2. Halleluja ja ramadus
ja gitos Bardnai, Jesusi,
dam Ibmel labbai, gutte
min besti gillamušaines
ja osti divras varaines
ja daǥai Imel mannan!
Gitos
salmak galggek čuogjat:
Basse, basse!
Halleluja!
Hærra lađesvuotta bista!
3. Halleluja ja ramadus
min Ibmel bassevuigŋi maid
mi lavllop avodedin;
son særvvegodde basota,
min rieǥadatta ođđasist
ja væket bassen ællet!
Gitos
salmak
galggek čuogjat:
Basse, basse!
Halleluja!
Hærra lađesvuotta bista!
(Suomagiel o. s. 35.)
Nuotta: Boađe sivnedægje Bassevuoigŋ’.
Mel. Kom Gud Skaber o Helligaand.
6. Dal Aččai lekus gitalus
ja maidnom, gudne, ramadus,
gi sivnedi buok visaset
ja biebma buok nuft arvaset!
2. Dal gitos lekus Jesusi,
gi min nuft sagga rakisti,
att’ gillai ruossa jabmema
ja osti migjid’ ællema!
3. Dal Vuigŋi lekus ramadus,
gi læ min duotta jeđđitus,
gi basot min ja bisota
ja adda čuovgas, ællema!
4. O basse golmaoktalaš,
duot Ibmel, gi læk aǥalaš,
du nammi lekus gitalus
ja maidnom, gudne, ramadus!
(Wexels. 344.)
Oudal sarne.
Nuotta: Jesus buorrai oapatægje.
Mel. Jesu Dydens milde Lærer.
7. Sarno, Hærra! sarno famoin,
mi du aiggop gulddalet;
juokke jurda bagjanet
galgga albmai ædnam guovlloin;
juokke vaibmo angeret
occus ællem Kristus sist!
2. Jesus nammi adnop, ačče,
væket don min aiggomuš,
čuvgge ješ min arvadus,
cakket suodnjaridad bokte,
mak dust baittek migjdii,
vaimoid namad gittemi!
(Wexels 12.)
Evangelium salmak.
Vuotas sodnabæivvai Adventast.
Nuotta. Mi almest deiki bođimek.
Mel. Fra Himlen høit komme vi her.
8. O Sion, dal du gonagas
du lusa boatta lađđaset
su ođđa girkko jaǥines
su ođđa sivnadusaines!
2. Son boatta rigges armoines
ja buttes ællem sanines
buok čagjedegjid ocadet
ja ællem balggai oapestet.
3. Su lađes Bassevuoiŋaines
ja armoines ja famoines
son aiggo vaimoid basotet
ja viesson aldsis rakadet.
4. Son mannavuođast gasta sist
min vuostaivaldda arbmosis.
Son asat basse mallasa
ja migjidi dam juoǥada.
5. O aidno rakis Jesusam,
du boattemi mon halidam,
vai šaddam vaivin luovosen
ja alme ilost ollesen.
(Suom. giel. ođ. s. g. Nr. 85. 86.)
Njæljad sodnabæivvai Adventast.
Nuotta: Mu lusa bottet buokak di.
Mel. Kommer til mig sagde Guds Søn.
9. O illodeket buokak dal
ja devddet avoin mieladek
din Ibmelædek siste!
Dal Jesus ješ min lakka læ
ja datto, go min rakist son,
min oaǯe alas valddet.
2. Buok moraš gaiddus erit mist!
Mi vaimo iloin, Ibmel sist,
ja oskoin, rokkadusain
Dal vuostai valddep Jesus Krist’,
gæn siste doaivvo, rafhe mist
i galga goasse nokkat.
3. Du rafhe, Ibmel aččamek,
mi manna bagjel jierbmamek,
min vaimo varjalekus
dal Kristus sist, vai oaǯǯop mi
dam juovlla ilo vaimoidi,
mi aǥalaǯat bista.
(Wexels 21.)
Nuotta: Mannam bala Ibmelest.
Mel. Mit Barn frygt den sande Gud.
10. Njalga Jesus, dudnji mon
gatamušain, rokkusin
datom saje rakadet
sillusam ja vaibmosam;
Valde dam ja rakad dam,
boađe sisa guossenam,
adde illo juovlaid dal!
(Wexels 22.)
Oudeb juovllabæivvai.
Ječas nuota: Fra Himlen høit komme vi her.
11. „Mi almest deiki bođimek
ja ođđa saǥaid buvtimek;
Mi buore saǥa muittalep;
De gullet dal, maid duođaštep:
2. Dam bæive manna digjidi
dam buttes nieidast rieǥadi;
Dat ucca barnaš, gutte læ
din illon, avvon šaddame.
3. Dat Hærra, Kristus, Ibmel læ,
gi hæđest din læ bæsteme;
Son aiggo læt din bæstadek
ja makset suddo vælgadek.
4. Dat lekus mærkkan digjidi,
att’ staljast krubba sisa di
dam mana bigjum gavdnabet,
gæn gieđast læ buok maïlbme.“
5. De iloin David gavpugi
dal baimaniguoim mannap mi
dam bestujume oaidnet, maid
læ Ibmel bigjam maïlbmai.
6. Mu siello, valde vara sust,
gi krubbai dal læ bigjujum;
son duotta olmuš duođai læ
ja duotta Ibmel maida læ.
7. O burist, buorre guossamek,
go don min diti bottik deik’
dam morraš dillai, ædnami:
Dam oudast du dal gitep mi!
8. Man vides læǯǯa mailbme,
dat dunji garčes gieŧka læ
ja i du væra, vaiko dam
vel golle, silbba dævdaši.
9. O rakis sivnedægjamek,
gi vaivašvutti bottik deik’
ja stallji mannan rieǥadik
ja kruba sisa bigjujik;
10. Nuft buorren dam don gavnatik,
ja munji nuft don čajetik,
att’ gudne ja buok riggudak
du ektui læ aiv’ duššerak.
11. Dal rakis Hærra Jesusam
don rakad saje vaibmosam
ja oro ješ mu vaimostam,
vai du mon rievtoi rakistam!
12. Vai vaimoinam ja njalminam
mon iloin, avoin lavllodam
du gitosen dam suobmana:
Halleluja, Halleluja!
(Wexels stuoreb s. g. 58.)
Ječas nuotta: Et lidet Barn saa lystelig.
12. Okt’ ucca manaš ilolaš
læ rieǥadam dam ilbmai
dam lieggos nieidast Marijast;
Dat manna bæsten šaddai.
Jos son i livče rieǥadam,
de lifčimek buok hævvanam:
Su ala vaibmom dorvast.
Mi gitep du, o bæstamek,
go olmučen don šaddam læk:
O bæstašik min bahast!
(Wexels. stuor. 67.)
Ječas nuotta: Af Høiheden oprunden er.
13. Dal allagasast ittam læ
okt’ guovso naste čuovgadrak
diev’ armost, duottavuođast;
Don David bardne, Hærračam,
mu gonagassam, irgačam,
muo sagga avodattak:
Don læk
lađes,
buorre, rakis,
stuores, hærvvas,
rigges armost;
Du sist must læ ællem, čuovgas!
2. Don ucca manaš čabbamus,
gi Ibmel, Marja bardne læk,
o aidno gonagassam!
Don vaibmom divras daver læk;
Du basse evangelium
læ njalgis dego honig!
Rakis
Hærra!
Alme manna!
Hosianna!
Dudnji gudnen
illodet mon aigom vuoiŋast!
3. Don ædelgæđge mavsolaš!
O golgat vaibmo vuđđusam
du buolle rakisvuođad,
vai mon buok vaibmo vuođostam
du gudnijattam, rakistam,
Vai dust mon rakistuvvum!
Dudnji
lekus,
rakis Jesus,
gitos, gudne,
go muo bestik
suddo, morraš siste erit!
4. Mu siello avod Ibmel sist,
go munji gæčak lađđaset
du rakisvuođad čalmin;
O Jesus Kristus, bæstačam,
gi sanin, oǯin, varainad
mu sielo valjet biebmak;
Valde
muo dal
arbmo faŧmai;
Lieggad vaibmom
arbmo vuoiŋain
Dudnji oskeldam mon ječčam!
5. O lađes Ibmel ačačam,
gi aǥalaǯat rakistam
muo læk du barnad siste:
Du rakis bardnat irggam læ,
ja mon su rakis moarse læm;
Son ællemi muo besti:
Duođai,
duođai,
son muo væket,
vai mon bæsam
illo vissui
Ibmel lusa hærvvas dillai!
6. Dal urgok, harpak marrusek,
ja instrumentak čugjusek,
ja almug lavllus salmaid,
vai du sist, rakis Jesusam,
don gonagassam, irgačam,
mu vaibmo illoi šadda:
Lavllot
salmaid,
ilost leket,
avodeket,
gitet Hærra,
gi min daggar gudnai valdda!
7. Dal ilost læm ja dorvolaš,
mu bæste alggo, loappa læ;
Son doalvvo iloin, avoin
muo albmai, Paradiasi
dam ilme heđi, vaddoi sist
ja morraš dilest erit!
Amen,
amen!
Boađe Jesus,
rakis bæste,
ale agjan:
O du maŋŋai vaibmom goikka!
(Kingo. 37. Suom. boares s. 128.)
Maŋeb juovllabæivvai.
Nuotta: Jesusam du varra sarjek.
Mel. Jesu dine dybe Vunder.
14. Njalga Jesus, basi Hærra,
urbbe Isai maddagest!
Manne dat maïlbme vigga
sorbmit du ja manaidad?
Rieǥadæmad birra mi
ikti avoin lavlloimek:
Galggapgo dal čiero, luoima
odne lavllot lika salma?
2. Bajasčuoǯǯelæmad maŋŋel
Stefan vuostas martir læi,
son, gi buoremielast jami,
varain oskos dieđašti;
Son læi roakkad, dorvolaš
soattat vuoiŋa værjoiguim:
Gæk su vuostainaggit vigge,
hæppadin sin hæittet šadde.
3. Værre njalmek dievva mirkost
sælgebælde sardnu su,
gielesvuođain su si vuigŋe,
dat su daǥoi gitos læi;
Vittanid si asate,
gæk su ala gieleste.
Vuoigadvuođa hame vuollai
bahavuotta davja čiekkad.
4. Vaiko engel čuovgadvuotta
Stefan muođoin baittage,
de si dadde banid gaskek
cuvkkim ditti davtid sust.
Almid ravas oaidna son:
Si læk čuovgatæmek buok;
beljid aldesek si deddek,
amasek si sane gullat.
5. Særvest su si falletegje,
hoigge olgus gavpugest;
De son čuorvoi, rokkadalai
Hærras, ačes, Ibmeles.
Go si gæđgadegje su,
de son rokkadalai nu:
„Hærra Jesus, valde vuosta
gietasad mu sielo, vuoiŋa!“
6. Go son dal juo jabmegođi,
ja su njalmest varra læi,
de son čuorvoi: „Ačče, ale
loǥatala daidi dam!“
Ja de Jesus oskoi son
oađđai njalga jabmemi:
Jesus, adde armo, vai mi
daggar oskost ællem loaktep!
(Guldberg 85.)
Sodnabæivvai ođđajaǥe bæive maŋŋel.
Nuotta: Mon dieđam aǥalaš alme rika.
Mel. Jeg ved et evigt Himmerig.
15. Herodes stuora vašestes
dal vigga Jesus goddet,
ja laset nuft su suddoides,
go su son vigga sorbmit.
2. De Josef oaǯǯo goččoma
ovt’ engel bokte niegost,
ja de son manain batara
Egipten riki hoapost.
3. Son dobbe oroi dassači
su akaines ja manain,
go Herodes dal jabmam læi,
de ruoktot son fast macai.
4. I Betleheimest velagen
son duostam orrot manain,
mutt’ Nasaretast roakkaden
son oroi manain, akain.
5. O Jesus, go mon muitostam
du batarusa anam,
de vaimostam mon jurdašam
du bællai, rakis bæstam!
6. Mon rakisvuođad jurdašam,
dat naggi du dam ilbmai;
Don mannan juo læk muosatam
min diti hæđe, vaddo.
7. Mon jurdašam, go bottik don
min bæstet hæđest erit,
de duomo celki maïlbme
ja jabmemi du dubmi.
8. Mon jurdašam, mu diti don
læk guossen deiki boattam
ja Herodesest vašotum
ja amas riki agjum.
9. Mon jurdašam, mon maida læm
okt’ amas guosse dabe
dam ragjai go don vieǯak muo
du lusad alme riki!
(Wexels. 97.)
Vuostas sodnabæivvai fastost.
Ječas nuotta: Vor Gud han er saa fast en Borg.
16. Min nanna ladne Ibmel læ,
min galbba ja min værjo;
Son hæđest ja buok morrašest
min væket ja min varjal.
Dat boares vašalaš
dal garra vašestes
su famos, juonaides
min vuostai gæččala,
su laǥaš i læk gostge.
2. Min fabmo i læk manenge,
mi vuoitatallap farga;
Min oudast dadde soatta Son,
gæst Satan fertte ballat;
Jos jærak, gi son læ?
Dat Jesus Kristus læ
buok Hærrai Hærra ješ
min aidno bæstamek,
son vuoito galgga doallat!
3. Jos ænam birruin devduši,
gæk datuše min njiellat,
æp bala dain æp væhašge,
daid Hærra cuovkkas časka;
Jos Satan vašest læ
ja vigga sorbmit min,
i væje maidege,
su Kristus vuoittam læ,
su čadna Ibmel sadne.
4. Dat sadne bisso nanosen,
vaik’ si dam vašest adnek;
min lutte Ibmel assa ješ
su vuoiŋaines ja armoin;
Jos hæga valddek si
ja guoime, manaid mist
ja gudne, davverid,
i dat sin avkken læk:
Mi arbbip alme rika.
(Guldberg. 157. Wexels. 338.)
Nubbe sodnabæivvai fastost.
Nuotta: Dal gitep Ibmela.
Mel. Nu takker alle Gud.
17. Im luoite Jesusa,
mon datom su sist bissot;
Son alggo algost juo
læ ællem munji addam;
Mu ællem Jesus sist,
dat bista dasto maid,
go dušša maïlbme
ja nobba aibasrak.
2. Im luoite Jesusa,
mon datom suina gillat;
Mu ruosa gæped son,
ja morrašest muo jeđđe;
im bala mastege,
go Jesus mu sist læ;
Mu ruosa, morraša
son illon jorggala.
3. Im luoite Jesusa,
mon soađam Jesus bokte
dal vuostai maïlme
ja suddo, satan vuostai;
Go dak muo doarotek,
de Jesus væket muo;
Son soatta oudastam,
ja væket hæđest muo.
4. Im luoite Jesusa,
mon datom suina jabmet;
Go son mu lutte læ,
de muo son duođai væket;
Jos jabmem godda muo,
de gæino ravasta
dat munji ællemi;
Im luoite Jesusa!
5. Im luoite Jesusa!
Go su mon dušše anam,
de must læ duođairak
dat divrasæmus daver.
Buok maid mon daǥačam,
go Jesus muina læ,
de avkken šadda dat
ja i læk vahagen.
6. Im luoite Jesusa,
im sust mon erit gaidda!
Mon okti čadnum læm
suin rakisvuođa baddin;
Mon ælam su sist dal,
ja son mu vaimo sist,
ja ovto alme sist
mon suina okta læm.
7. Im luoite Jesusa,
su rakisvuott’ muo gæsot;
Jos oađam, gocam mon,
de Jesus læ mu dorvvo;
De duššus maïlbme:
Su bokte gæidno must
læ albmai, ællemi;
Im luoite Jesusa!
(Guldberg. 143. Wexels. 411.)
Gaskafasto sodnabæivvai.
Ječas nuotta: Hvad kan os komme til for Nød.
18. Mi šadda hætten migjidi,
go Hærra ješ min biebma
jaalme laibin borat min
ja laidde buore bilbmui?
Min sielo goiko časkad son
ja juǥat ællem čacin dam,
mi læ su vuoiŋa arbmo.
2. Du nama diti Bassevuoigŋ’
min ællem balggai laidde;
Son morrašest ja hæđest læ
min duotta jeđđijægje:
Dal dorvolaš min vaibmo læ,
jos jabmem dallan boađaši:
Don læk min lutte, Hærra!
3. Du baiman[1] soabbe oapest min
ja bagad min ja jeđđe;
Du ruossa oaǯe havkada,
vai dat i vahagatte
min sielo suddo himoiguim,
mak rubmaš siste ovto læk
ja oǯudek min bahhai.
4. Go moraš mist ja hætte læ
ja osko nokkagoatta,
de min du sanek jeđđijek,
vai bissop bissovaǯǯan:
Don læk min illo morraš sist,
don Satan vuostai gattik min
ja doalak oskoi, arbmoi.
5. Don bævde migjid’ rakadik,
mi læ min miela mielde;
Dat divras arbmo sadnat læ,
mi sillui ællem adda.
Go Satan baha juonaiguim
min sielo vigga doarotet,
de sadne læ min værjo.
6. Don vuoidak basse oljoin min
ja gæsotak min buorrai;
Dat illo oljo vuoiŋga læ,
gi dalkast buok min havid.
Don addak ješ min vaimoidi
du jeđđitus ja čuovggasad,
vai vuoittep jabmem bagjel.
7. Du arbmo ja du lađesvuott’
min ovto bajasdoalla;
De iloin buoremielast mi
dal Ibmel viesost assap,
min bæste særvvegodde sist,
ja dasto maŋŋel jabmema
du lutte alme rikast.
8. O Jesus, væket dasa min!
Min vaibmoi cakket osko,
ja dævde rakisvuođain min,
vai du mi rievtoi dovddap
ja Ače ja dam Bassevuoiŋ’!
Dam rokkadallap buokak mi
ja vaimost cælkkep: Amen!
(Guldberg. 173.)
Palbme sodnabæivvai.
Nuotta: O Jesus givsad diti.
Mel. O Jesu for din Pine.
19. Gæč, moft dal Jesus manna
dam sorbmim gavpugi,
gost garvesen si sudnji
dam hirbmos jabmem rakadek!
2. Vaik’ ibmelvuođas čalmin
son oaidna čielggaset
su giddagasas, hæđes,
ja ruosas, givses, jabmemes;
3. De ævtoin vuostai manna
son vašalaǯaides,
son dietta sin son čadna
ja vuoitta aǥalaǯat sin.
4. Su goarggo læ hui ucce,
okt asen guodda su,
gi matta Satan vuoittet
ja jabmem bagjel Hærra læ.
5. Dast læ son, gutte čoavdda
min suddo baddi sist;
Dast læ son, gutte adda
min balle sillui jeđđitus!
6. Dast læ son, gutte oaive
dal cuvkke gærbmašest!
Man’ olgus Sion nieidda
ja illod, avod dal su sist!
7. Dast læ son, gutte faŧmast
du rakisvuođaines;
Dast læ son, gutte buttest
du varra bivastaǥaines!
8. Dast læ son, gutte gilla
du oudast jabmema;
ja son, gi aǥalaǯat
du gonagassan aiggo læt!
9. Dast læ son, gutte golgat
du oudast varaides;
ja son, gi dudnji adda
dal aǥalaǯat ællema!
10. O Jesus, vare nuft mon
du gitet matašim,
moft halidam ja datom;
O Jesus, væket dasa muo!
11. Du oudi biktasidam
mon lebbim mielastam,
mon særvest joavkoin boađam
du gitet ja du ramedet.
12. Du oudi guoddam palmaid,
o gudne gonagas,
ja lavlom dudnji salmaid,
o Jesus, gula armost daid!
13. Mu ællem diti bottik,
don gudne gonagas,
muo bæstet jabmem valdest;
Dal lekus dudnji gitalus!
14. Dal hosianna lavlom
mon dudnji gitosen.
Mu vaibmo du sist illod;
Mon aǥalaǯat gitam du!
(Guldberg. 178.)
Skilleduorastakki.
Nuotta: Du njalga muittem Jesusam.
Mel. Jesu søde Ihukommelse.
20. Dam ija Jesus asati,
go bettui, basse mallasid,
ja daggo bokte čajeti
su rakisvuođas migjidi.
2. Son valdi laibe giettasis
ja sivnedi dam vuoiŋaines,
dam doagjali ja celki nuft:
„De valdet dal ja borret dam!
3. Dat laibbe mu duot rumaš læ,
mi buokai oudast addu dal;
Muo muittet galgabetet di,
nu davja go dam borrabet’!“
4. De litte vinin [illegible] son,
dam sivnedi ja celki nuft:
„Mu vara jukket buokak dast
dam ællem arbmo agjagest!
5. O jukket buokak iloin dam
ja muittet daggo bokte muo;
Din bestujume diti mon
dam jabmem gæra jukkam læm!“
6. O Jesus, go mon jurdašam
dam ija go don hirbmoset
læk bettujuvvum jabmemi
ja čuggijuvvum gærbmašest:
7. De oudušam ja illodam,
go lonastus du duokken læ
ja go ik guođđam maïlme
don aǥalaǯat jabmemi!
8. Maid buocce olmuš gillašge
dam ilmest ælededines,
i mikkege dam ektui læk,
maid don dam ija gillajik.
9. Don dadde, vaiko oidnikge
dam morraš ija boatteme,
min bællai æmbo jurdašik
ja rakisvuođad čajetik.
10. Dam oudast gitam vaimostam
du, rakis Hærra Jesusam,
ja vuollegaǯǯan vaimost mon
du bævddai aigom loaidastet!
11. Mu laidde, Jesus, gieđainad,
ja rakad sillum vuoiŋainad,
dal dokkalaǯǯan loaidastet
du rubmaš, varaid navdašet!
(Wexels. 113.)
Gukkis bærjadakki.
Nuotta: Du njalga muittem Jesusam.
Mel. Jesu søde Ihukommelse.
21. Dal Jesus ruossa guorast mi
su ærro sanid gulddalep:
Su jedna čuojai ruosa ald
min jeđđitussan, ællemen.
2. Sin oudast, gæk su sorbmije,
son rokkadalai vuoččan nuft:
„O ačče, luoite sigjidi,
æi dieđe si, maid dakkek si!“
3. Muo oudast rokkadala maid,
o Jesus, mon hui hægjo læm,
ja čuovgatæbmen vagjolam,
de čuovggas, famo oaǯom mon.
4. Son dasto gæčai ædnasis,
gi čuoǯoi stuora morrašest,
gæn siello ja gæn vaibmo læi
moft mikin čađačuggijum.
5. De æra barne ædnasis
son addi jeđđitussan fast
ja Johannesi celki nuft:
„Du ædne galgga Marja læt!“
6. Jos vašotuvvut galgam mon
ja guoddet ruosa maïlmest,
de vuolggat munji, Jesusam,
ovt Ibmel mana vækkenam!
7. Go rievar gađai suddoides,
de bestui jamededines:
Don celkik: „Paradiasist
don galgak odne muina læt!“
8. Mu adda maid jamedin
dust, Jesus, oaǯǯot jeđđitus;
Mu væket ječčam buoredet
ja alme ilo muosatet!
9. Dat njæljad sadne hirbmos læi,
man laǥaš i læk gullujum:
„Mu Ibmelam, mu Ibmelam
o manne muo læk guođđelam!“
10. Mu diti šaddik oanekaš
don guđđujuvvut Ibmelest,
vai im mon guđđut šaddaše
šat jabmem sisa goassege,
11. Son celki dasto: „Goikam mon!“
ja eddik jukkat oaǯoi son;
Mu suddoid diti, Jesusam,
don jukkik bačča sape dam!
12. Son celki: „Ollašuvvum læ!“
Dat duođašt: Mon læm bestujum;
Dal albme munji ravas læ
ja garrotus dal javkkam læ!
13. Su loappa sadne, šuokatus,
min dævdda ællem doaivagin;
Son celki: „Rakis ačačam,
du gitti vuoigŋam ravvistam“!
14. Dat sadne ciegga vaibmosam,
ja dugjo rafhe sillusam;
Dat sadne lekus njalmestam
dat maŋŋemuš, maid celkičam!
(Wexels. 53. Guldberg. 425.)
Ječas nuotta: Jesu dine dybe Vunder.
22. Jesusam du varra sarjin
ja du giksas jabmemest
jeđđitusa alo gavnam
sielo, rubmaš heđi sist;
Go muo suddo gæččala,
de mon dallan jurdašam
dam du givse, mi muo gieldda
im mon suddoid dakkat galga.
2. Jos mu bahas oaǯǯe vigga
fillit suddo himoiguim,
de mon jurdašam du ruosa,
ja de vaibmo saŋarda.
Jos muo Satan falleta,
de du galbban anam mon,
ja du sarjid, varra ravnje,
de son ruoktot gaiddat fertte.
3. Go maïlbme laiddit vigga
suddo govddis balggai muo,
gost læ dušše oaǯe illo,
de dam givse, noađe mon
gæčam dalle, Jesusam,
maid mu diti guddik don,
ja de rokkus siste bisom
ja buok suddo himoid hilgom.
4. Buok dam vuostai, mi muo dædda,
væketek du sarjek muo;
Go dai sisa sillum ciegga,
de mon gavnam ællem dain;
Dat du giksas jabmem muo
jeđđe hæđest, morrašest,
go don ællem munji ostik,
dalle go don jabmem girddik.
5. Mon du ala čavga oskom,
don mu aidno bæste læk;
Jabmema du jabmem čanai,
i dat væje goddet muo.
Go dust munji oasse læ,
de dat jeđđe, suogjal muo,
ja du armo bokte doaivom
ællem arbbit alme rikast.
6. Go don buorrevuođa aja
ješ mu vaimo siste læk,
de im bakčas dalle dovda
mon vel jamededinge.
Go du sisa čiekkadam,
de i Satan gavna muo;
Don læk jabmem bagjel vuoittam,
du sist ællem mon læm gavdnam!
(Guldberg 42.)
Vuostas bæssašbæivvai.
Nuotta: Mi almest deiki bođimek.
Mel. Fra Himlen høit komme vi her.
23. De engel vuolas luoitadi
ja gæđge erit fierati;
ja go son havde ravasti,
de Jesus bajasčuoǯǯeli.
2. De moraštægje vaimoiguim
dal havddai botte nissonak
ja bukte divras vuoidasa
ja occe Jesus rubmaša.
3. Si gavdne havde ravastum
ja rubmaš erit javkadum.
Buok favtak legje suorganam
ja dobbe erit bataram.
4. De engel nisson-olbmuidi
dam havskes saǥa muittali:
„Dat Jesus, gæn di occabet’
i læk dast, gost di doaivvobet’.
5. Son læ dal bajasčuoǯǯelam!
De vulgget, muittaleket dam
su rakis mattajegjidi,
att’ Jesus bajasčuoǯǯeli!
6. Ja celkket: Galileači
son manna, nuftgo sigjidi
son oudal juo ješ loppedi,
su dobbe oaidnet oǯǯuk si!“
7. De Jerusalbmi nissonak
dal manne stuora iloinrak
ja celkke mattajegjidi:
„Juo Jesus bajasčuoǯǯeli!“
8. Nuft Jesus fidnos olleti
ja osti ællem migjidi;
De oskot šadde ædnagak,
son ællam læ fast duođairak.
9. Nuft Jesus vuiti jabmema
ja rabai Paradiasa;
Dat læ min osko dovdastus,
dat læ min osko vuođđodus.
10. Dal gitos lekus Jesusi,
gi jabmemest min lonesti!
Son ælla ja su bokte mist
læ ællem doaiva alme sist.
(Suomagiel ođđa salbm. g. 161. mielde.)
Nuotta: Dal allagasast ittam læ.
Mel. Af Høiheden oprunden er.
24. Son læ dal bajasčuoǯǯelam
ja Ibmelin muo soavatam
ja rappam munji alme!
Mu Jesus vuoitto jabmem læ
dal Satan valde duššadam
ja cuvkkim Satan værjoid!
Dat muo,
jeđđe
vuoito diti,
maid son vuiti;
Helvet doargest;
Son læi jabmam, gæč, son ælla!
(Guldberg. 11. Wexels. 71.)
Nubbe bæssašbæivvai.
Nuotta: Mon dieđam aǥalaš alme rika.
Mel. Jeg ved et evigt Himmerig.
25. Man ilolaš læ vagjolet
min Jesus sanin njalmest,
su ællem, jabmem jurdašet,
su daǥoid guoratallat.
2. Dak mattajægjek oaǯoiga
hui stuora jeđđitusa,
go Jerusalmest manaiga
soai baloin Emmausi!
3. De Jesus ruossa, jabmem læi
dal sodno sakkan maŧkest,
dat morraš buvti sodnuidi,
ja daǥai vaimobakčas.
4. Dam hæđest Jesus almaken
læi gasko sodno lutte,
ja son, gæn jabmam doaivoiga,
læi vuoitoin bajaslikkam.
5. De sodno čalmek dolluje,
ja æba soai su dovddam,
go ječas birra čallagid
son čilggi famolaǯat.
6. Soai fuomašeiga almaken,
dat sodno vaimo liggi,
go čallag čilggi sodnoidi
su gillamušas birra.
7. De sodno lutte oroi son,
go dam soai anoteiga,
ja dovddui sodnost ækkedest,
go doagjali son laibe.
8. O Jesus, don ješ dieđak dak,
mon amas guossen ælam
dam ilmest ælededinam,
ja ollo morraš dovdam.
9. Mon haloin du mield vagjolam,
o bajaslikkam Jesus!
Du lavki mielde mielastam
mon albmai čuovvot datom!
10. O čuovo muo, im luoite du!
o laidde muo, go hiljet
mon datom albmai vagjolet,
ja gærmaš vigga hettit!
11. Mu æked daidda lakka læt,
læm nuorra daihe boares:
O oro mu lut, faŧmast muo,
go gaččam jabmem bokte!
12. De dasto, Jesus, čielggaset
mon dovdam du ja Ače.
O vare lifči burist juo
mu ællem aigge nokkam!
(Wexels. 114. Dansk. s. g. 493.)
Nuotta: Sillum læǥe arvok mielast.
Mel. Nu velan vær frisk tilmode.
26. Nuftgo čuvgis bæivaš itta
čađa sukkis balvarak,
ja su šelgis suodnjarines
erit vuojet sævdnjadas:
Nuft mu Jesus havdestes,
jabmem sevdnjis rogge sist,
stuora vuoitoin bajas likkai
bæssašbæive arrad iđđed.
2. Gitos, stuora vuoitto Hærra,
Gitos, ællem gonagas,
gæn i mattam jabmem doallat helvet sevdnjis rogge sist!
Gitos, go don čuoǯǯelik
ja go jabmem duolmastik!
I dam ilo mate gænge
njuovča sardnot nuftgo berre!
3. Vaimostam mon matam dovddat,
atte sillum oaǯǯo dast
ilo, mi muo bakčas dalkast,
go du havde muitam mon,
smietam dam, go vællajik
jabmem sevdnjis loavko sist
ja go vuoitoin bajas likkik:
Dat læ munji stuora illon!
4. Jos mon buocam suddo bukkuin,
jos mon vaivašvuođast læm,
jos mon vællam buoccam sængast,
jos mon hæjos dilest læm,
jos mon vašotuvvučam,
jos mon buokain guđđučam,
jos mon havddai vaʒʒet galgam,
de ain doaivvo munji bacca!
5. Don mu oudast oktë jabmik
ja muo vælge maksik don;
Vaivašvuođa, bakčas girddik
ja muo davdaid guddik don.
Mon du bokte galgam maid
havdest bajas čuoǯǯelet
ja du lusa albmai vaʒʒet!
Dat buok morraš munji gæped.
6. Suddo, jabmem ja buok njuolaid,
maiguim Satan bačal muo,
læk don cuvkkim jabmeminad
ja daid havddai havdadam;
Ja don munji addam læk
dorvo ja buok jeđđitus:
Mon du čuoǯǯelæbmai gudnen
vuoitto palmaid guoddet galgam!
7. Bajasčuoǯǯelæmad famoin
don muo bovtak ællemi!
Gokčus dal muo ædnam muoldda,
mađok oaǯǯam borrusek,
njillus čacce, dolla muo,
de dam oskoi jamam mon,
atte ællemi mon fastain
jabmi dilest bajaslikkam!
8. Njalga Jesus, adde munji
armo Bassevuoiŋa bokt,
vai mon gattim ječčam lavkid!
Laidde muo du gieđainad,
amam im mon jorralet
fastain jabmem čoddagi,
gost muo dalle olgus gessik,
go don jabmem bagjel vuittik!
9. Gitos rieǥadæmad oudast!
Gitos sanad oudast maid!
Gitos gasta lavgo oudast!
Gitos bævdad oudast maid!
Gitos russi jabmemest!
Gitos bajaslikkamest!
Gitos albmai mannam oudast!
Du mon gavnam alme rikast!
(Guldberg. 193. Dansk. 227.)
Kristus albmai mannam bæivvai.
Nuotta: Mi almest deiki bođimek.
Mel. Fra Himlen høit komme vi her.
27. Mon olljovarest Jesusa
dal oainam osko čalmiguim,
son vuolgget juo læ rakkanam
fast ruoktot albmai, siddasis.
2. Dal maŋŋemusta oapati
son vela mattajegjides
ja guđi ærro dærvuođaid
ja vuolgati sin maïlbmai.
3. Son gočoi sin dal sarnedet
su sanes obba maïlbmai,
ja sin son buristsivnedi
ja jeđđijægje loppedi.
4. De alme čuvggis balva sist
son albmai dolvvujuvvui fast
ja šaddai oaidnemættosen
su ustebides čalmidi.
5. De Ibmel basse engelid
si oidne, guđek celkke nuft:
„Di Galilea gallasak,
gæk gævkkabetet almidi!
6. Son, gutte albmai manai dal,
i oarbesen din guođđam læk:
Son oinolaǯat boatta fast
su duomos doallat maïlmest.“
7. Jos duotta vaimost čuovom mon
dal albmai mannam Jesusa,
gost aǥalaǯat ælla son,
de alme ilo arbbim mon.
8. Ja vaiko dabe galgašim
mon ruosa gillat nuftgo son,
de oaǯom oaidnet almake
mu bæstam alme ilo sist.
9. O Jesusam, go ærrana
mu siello erit rubmašest,
de vieǯa dam du siddasad
ja valde muo du askasad!
(Suomagiel. ođ. s. g. 171. 172.)
Nuotta: Okt’ ucca manaš ilolaš.
Mel. Et lidet Barn saa lystelig..
28. Dal albmai bajas mannam læ
mu Hærra, soavatægje;
Son bagjel alme, ædnama
dal hærvvasvuođain rađđe.
Mu siello, gite, ramed su!
Son čokka Ibmel olgiš bæld,
su alme væǥak gitek,
su vuollai buok læ bigjujum,
su rika, fabmo, gudne læ,
su rokkadallat berrip!
(Wexels. 75. Guldberg. 12.)
Oudeb belludakbæivvai.
Nuotta: Mi almest deiki bođimek.
Mel. Fra Himlen høit komme vi her.
29. Dal stuora basid doallap mi
ja gitos lavllop Jesusi,
gi Bassevuoiŋa vuolgati
ja addi mattajegjidi.
2. De almest jedna bođi, mi
læi garra dalke lakkasaš,
ja devdi obba viesorak,
gost čoakest legje vieljačak.
3. De dola laǥaš njuokčamak
dast oidnujegje ollorak
ja juokke ovta bagjeli,
dain okta njuovča luoitadi.
4. De Jesus mattajegjides
nuft devdi Bassevuoiŋaines,
gi čilggi su sin vaimoidi,
ja čilggi čallag sigjidi.
5. De Vuoigŋa sane čuovggasin
dal askoi, doivvni nanni sin,
ja duottavutti oapesti,
ja laiddi ođđa ællemi.
6. De amas gielai bokte si
dal sarnedegje olbmuidi,
ja Ibmel daǥoid duođašte,
ja oavddodaǥoid muittale.
7. O Hærra, armet dalge min,
ja čuvgge vuoiŋad čuovggasin,
ja vuolgat vuoiŋad migjidi,
gi du min vaibmoi čilgiši!
8. O Bassevuoigŋa boađašik
ja rakisvuođa dujušik
mist bæstai fastain ođđasist,
vai su sist rafhe lifči mist!
(Suomagiel. o. s. g. 195. mielde.)
Nuotta: Mi šadda hætten migjidi.
Mel. Hvad kan os komme til for Nød.
30. Min oapat Ibmel bassevuoigŋ’
min bæste rievtes oskoin
duott’ vaimost adnet rakisen
ja balvvalet su rievtoi,
vai hirbmad jabmem vuostai nuft
su varra sarjin oaǯǯop mi
dam bæstem, maid son fidni!
2. Du dærvas oapa famo min
don væket vaibmoi vurkkit,
ja sane laibin, mailhin divt’
min ællem oudeduvvut!
Min suddost jamet, ođđasist
min rieǥadatte vuoiŋast fast,
vai guoddep osko šaddoid!
3. Go hægga vuolggegoatta mist
min jabmem bačča boddost,
de vare dalle duojad mi
min vaimost dovdašeimek,
vai dorvolaǯat sillumek
mi Jesus gitti ravvijep
dam vurkkit alme rafhai!
(Guldb. 246. Kingo 204.)
Maŋeb Helludak bæivvai.
Nuotta: Boađe sivnedægje Bassevuoigŋ.
Mel. Kom Gud Skaber o Helligaand.
31. O Bassevuoigŋa, boađe don
min vaibmoi arbmo laihiguim!
Min čuvgge arbmo čuovggasin
ja iloin, rafhin dævde min!
2. O duotta jeđđijægjamek,
ja lađes armetægjamek,
min vaimoid armoin liggišik
ja min buok buorrai laiddišik!
3. Du arbmo littui bisot min
ja dævde oskoin, doaivvagin!
Min rakisvutti nannišik
ja oaǯe himoid cuvkkišik!
4. Min visesvuođain dævdašik
ja rafhe vaibmo dugjušik!
Min gajo vaddost, vahagest
ja varjal suddoi gaččamest!
5. Buok vašalaǯaid gaidad mist
ja jeđđe min buok morrašist!
Min væket suddoid fastašet
ja Ibmel dato doaimatet!
6. Min oapat Ibmel rakistet
ja Jesus arbmoi dorvastet!
Min bassevutti laiddišik
ja ruosa vuolde nannišik!
7. Dal gitos lekus Ibmeli,
gi barnes bokt’ min lonesti!
Ja Bardnai lekus ramadus
ja Bassevuigŋi gitalus!
(Suomag. o. s. g. 199.)
Vitta nubbe loǥad sodnabæivvai Trinitatis maŋŋel.
Ječas nuotta: Hvo ikkun lader Herren raade.
32. Gi dušše dikta Hærra rađđit
ja Hærrai alo dorvasta,
su bæsta son buok vaddoin erit
ja heđi sist su væketa;
Gi Hærrai luotta, vuođđod i
su viesos saddoi bagjeli!
2. Maid væket moraš min ja vaiddem?
Maid avkid oaǯǯop biekkomest?
Maid væket, jos buok beivid ællem
mi loaktep lossis morrašest?
Mi dušše heđid lasetep
ja ječaidæmek givsedep.
3. Dat Kristalaš gall’ doaivoin gilla
ja dutta dasa vaimostes,
maid rakis Ibmel ačče dakka
su manaidasas armostes;
Son dietta buok min darbaša
ja adna mist ain morraša.
4. Son rievtes væke aige dietta,
son ilo adda valjetrak;
Min vaimoi duotta haloid dovdda
ješ rakis Ačče visutrak;
Son væket min buok heđi sist
ja gagjo min buok vahagest.
5. Du hæđad siste ale jurdaš:
Juo Ibmel erit hilgoi muo:
Son erit valdda dust buok morraš
ja rakisen ain adna du;
Son vægja aige rievdadet
ja morraš illon jorggalet.
6. Dat Ibmeli læ aive gæpas
dam vaivaš muoldast bajedet,
su olgiš gietta naǥad riggas
su čævlaivuođast vuoledet;
Son oavdoid dakkat naǥada,
son aled ja son vuoleda.
7. De rokkadala, balvval Hærrad
ja barga bargod viššalet,
ja osko, Ibmel ouded avkad,
de dam son dakka rakkaset:
Gi dorvos bigja Ibmeli,
su Ibmel erit suppe i.
(Guldberg 117. Suom. b. s. g. 291.)
Buok basi bæivvai.
Nuotta: Sillum, læǥe arvok mielast.
Mel. Nu velan, vær frisk tilmode.
33. Audogasak, celki Hærra,
læk dak vuoiŋa vaivašak,
ja si alme illo rika
arbbit galggek duođairak.
Audogasak si maid læk,
guđek suddoid saŋardek,
ja gæk morrašest læk dabe;
Ibmel læ sin jeđđijægje.
2. Audogasak læk dak lojek
ja si ædnam arbbijek.
Audogasak læk si, guđek
duođai rafhalaǯak læk;
Ibmel mannan galggek si
goččujuvvut vissasi,
ja si oǯǯuk rafhe siste
gukka ællet ædnam alde.
3. Audogasak læk dak olbmuk,
gæk læk vaibmolađđasak;
Hærrast fastain ruoktot oǯǯuk
vaibmolađesvuođa dak.
Audogasak læk maid dak,
gæk læk vaimost buttasak,
ja si oǯǯuk Ibmel oaidnet
ja su særvest ovto ællet.
4. Audogasak maidai læk si,
guđek goikost saggarak
læk vanhurskesvuođa diti;
galletuvvut galggek dak.
Audogasak maida læk
dak, gæk vašotuvvujek
mu vanhurskesvuođa diti,
alme rika gulla daidi.
5. Audogasak si læk duođai,
guđek vašotuvvujek,
go sin birra bahak bahaid
sardnuk ja daid gielestek;
Illodet si berrijek,
stuores læ sin balkasek
Ibmel lutte alme rikast
illo viesost, hærvvasvuođast!
(Math. Evang. 5, 3—12.)
Golbma goalmad loǥad sodnabæivvai Trinitatis maŋŋel.
Nuotta: Mi šadda hætten migjidi.
Mel. Hvad kan os komme til for Nød.
34. Dast vara valddus juokkehaš,
att’ jægad eissevalddes,
gæst valdde ja gæst fabmo læ
su bagjel goččot, rađđit!
I ærrasist go Ibmelest
læk eissevaldde asatum,
dam asatam læ Ibmel.
2. Gi eissevaldde hæjoš ja
su vuostai ječas bigja,
son higjed Ibmel bakkoma
ja bælkka Ibmel vuostai;
Ja guđek vuostaičuǯǯuk su,
sin ala boatta vissasi
su duobmo ja su moarre.
3. I ballon buore dakkidi
læk bigjum eissevalde,
mutt’ rangaštægjen sigjidi,
gæk dakkek baba daǥoid;
Jos sust ik ballat aigo don,
de daǥa dam, mi buorre læ,
de rame sust don oaǯok!
4. Son Hærra balvvalægje læ,
gi rievte doallat galgga;
Jos bahha læk, de bala sust,
son mieke danen guodda,
vai sin son galgga rangaštet,
gæk baha daǥoid daǥaček
ja nubbid vahagattek.
5. Æp rangaštusa diti sust
mi dušše ballat galga,
dam diti vaimost lika mi
su sattep vašest adnet;
Mutt’ oamedovdo diti mi
su goččom galggap jægadet
ja dakkat, maid son goččo.
6. Gæč, eissevaldest fabmo læ
ja datto rafhe gattit;
Dam ditti galggap maida mi
dam væro, tuolo addet,
maid eissevaldde laǥa mield
min goččo makset aldsesis;
Dam gaibed Ibmel sadne.
7. O Ibmel væket čuovvot min,
maid basse Paulus oapat,
vai datod mielde gudnest mi
min eissevaldid adnep.
Divt’ bagjel buok min ballat dust,
du rakistet ja jægadet
ja ramedet du, Amen!
(Guldberg. 360).
Sarne maŋŋel.
Nuotta: Jususam du varra sarjek.
Mel. Jesu dine dybe Vunder.
35. Gitos, gudne aǥalaǯat
lekus dudnji Jesusam,
gutte dattuk balvvalægjen
Adam manaid oudast læt!
Njalga Jesus, oapat muo,
vai mon rievtoi vagjolam
ja du luodai mielde vaʒam
ja du gæinost illom gavnam!
2. Ale divte muo du hilggot,
vaiko ruossa, moraš muo
vaivedæǯǯa dam maïlmest,
mutto vai mon vaimostam
jabmem ragjai æcam du,
ječčam jeđđim heđi sist
rieǥadæmad, givsad, jabmem,
havidad ja varad bokte!
(Wexels. 33. Guldberg. 14).
Manaid gastašedin. Oudal gasta.
Nuotta: Mannam, bala Ibmelest.
Mel. Mit Barn, frygt den sande Gud.
36. Buktet smava manaid deik,
nuft læ goččom Hærramek,
armo oaǯǯot galggek si,
albme gulla sigjidi;
Ibmel basse gastaines
aiggo stuora armostes
dakkat sin su mannanes.
2. Ačče, Bardne, Bassevuoigŋ’
lebbe dal du gieđaidad!
Mi du oudi guoddep dal
gasti ucca manača,
o de valde vuosta su,
buritsivned armost su,
čana arbmolittoi su!
Maŋŋel Gasta.
Ječas nuotta:
Mel. Enhver, som tror og bliver døbt.
37. Gi osko ja læ gastašum,
son audogassan šadda;
Son Jesus varain ostum læ,
son ællem sudnji adda
ja čalla ællem girjasis
su nama ruossa varaines
buok Ibmel manai særvvai.
2. Mi vaimost šuokkep buokak dal
ja nanna oskoin cælkkep
ješgutteg vaimo rokkusin:
O Jesus! væket buorrai
min fasta famoin oudanet,
ja doalvo osko bokte min
du siddi, ačad riki!
Rippa dovdastus. Gattamuš salbma.
Nuotta: Mu doaivvo, dorvvo, jeđđitus.
Mel. Mit Haab og Trøst og al Tillid.
38. Mon boađam vaivan suddolaš
dal moraštægje vaimoin
ja arbmo uvsa goalkotam
ja vaidam Hærrai hættam:
Mon rikkosin
ja suddoiguim
muo rubmašam ja sillum
læm duolvadam
vel bahabut
go jurdašet ješ matam!
2. Dak suddok æi læk lokkamest,
maid morrašin mon dovdam,
maid stuora vaimo bakčasin
mon muitam dal, o Hærra!
Du bardne læ
daid divraset
ješ ruosa alde maksam:
Voi mutto mon
im ællam nuft,
moft Jesus muo læ goččom,
3. Don gierdavaǯat, gukkarak
mu jorggalæme vurddik,
ja ače vaimoin davjarak
muo rangaštusast sestik.
Du gieđainad
don bæstam læk
muo jabmem vaddoin erit,
ja armostad
don gagjom læk
muo vašalaǯa gieđast.
4. Don vaibmom uvsa goalkotik
ja čurvvuk munji: Gula,
mon boađam irggen vaibmosad
du sielo havid dalkkot!
Im gulddalam,
im jægadam,
im rappam sillum uvsa;
Im gullam du,
go addik muo
du nævvom sanid gullat.
5. Don vuoigadvuođain matašik
dal oanedet mu beivid,
ja aǥalaǯat hoigadet
muo helvet givse sisa.
Mon suorganam,
go vaimostam
læm luoittam suddo rađđit.
Don daddeke
ain gukkedak
mu jorggalæme aige.
6. O Ibmel, gula armost dal,
du gatte manad jena!
Don oainak dal mu sielo dast,
mi goikka, occa, čuorvvo.
O Jesusam,
mon loaidastam
du arbmostuolo oudi,
ja luoitadam
dal, Hærračam,
du oudi gatte vaimoin!
7. Du vaibmo, rakis bæstačam,
læ armost dievva aja:
O adde muo dal goaivvot dast
fast rafhe, dorvo, ilo
mu vaibmosam
ja sillusam,
vai matam du mield čuovvot
dam ællemest
ja alme sist
du hærvvas muođoid gæččat!
(Guldberg 35.)
Sakramenta juoǥadedin.
Nuotta: Du njalga muittem Jesusam.
Mel. Jesu søde Ihukommelse.
39. Du altar oudi, Jesusam,
gi buok min suddoid guoddam læk,
dal vaimo oskoin, rokkusin
mon čibbi ala luoittadam!
2. Mon Jesus guosse odne læm:
Muo siello, jurdaš odne dam!
Son goččo du su bævddasis
ja biebma du ješječaines.
3. Son adda munji laibe sist
su giksašuvvum rubmašes
ja vine sist su varaides,
dam ruksis arbmo agjagest.
4. De bora, juǥa, illod dal
vel æmbo go buok engelak,
ja gite gæra oudast su,
maid engel jukkat oaǯo i!
5. Maid oaǯom dast, dam oskom mon,
jos juo dam jierbme arvved i;
Mon ilo oaǯom sillui dast
ja Jesusa mu vaibmosam.
6. Dal gudnijattek engelak
dam čieǥosvuođa, go dal læ
min Jesus Ibmel olgiš bæld,
ja testamenta siste dast.
7. Son almest njalga ilost læ:
Dast sivneduvvum laibe sist;
Son almest gudnin Hærran læ:
Dast litto gæra vine sist.
8. Moft šadda dat, im dieđe dam,
i munji dam son almotam;
Im dam mon diettet darbašge:
Su sadnai oskot galle læ.
9. Mu siello, vuoigŋa, avvod dal,
go Ibmel papa gieđa bokt
dam panta munji adda dast,
man bokte muo son bæstam læ.
10. Dat bævdde munji fabmon læ,
dast vidne muorast boram mon,
dast ællem vaibmoi oaǯom mon
ja dalkas buok mu havidi.
11. Dam bævde Jesus asati
hui nanna vuođđon ællemi;
Dast jeđđitusa gavnam mon,
ja ællem oaǯom aldsesam.
12. O Jesus ale divte muo
dam bævdest gaiddat goassege!
Muo væket hilggot maïlme
ja deiki alo halidet!
13. Ja maŋŋemusta armostad
muo vieǯa lusad siddasad,
gost aǥalaǯat, Jesusam,
du muođoid gallas gæčadam.
(Tillæg. 614.)
Sakramenta navdašæme maŋŋel.
Nuotta: Du jalga muittem, Jesusam.
Mel. Jesu søde Ihukommelse.
40. O Jesus! njalga Jesusam!
du gitam dal buok vaimostam,
go oǯinad muo boratik
ja varainad muo juǥatik!
3. Mu siello! cælke gitemin:
Oi moft mon šaddim riggesen!
Mu Jesus orro vaimostam:
O gitos dudnji Jesusam!
(Wexels. 166.)
Komfarmerem oudal.
Ječas nuotta: Mit Barn, fryt den sande Gud.
41. Mannam, bala Ibmelest!
Doala Ibmel bakkomid!
Ane bassen sabbata!
Ačad, ædnad gudnjatte!
Ale godde, al’ furuš!
Ale suolad, al’ gielest!
Fastaš anestumid buok!
2. Ibmel ala oskom mon,
gutte buok læ sivnedam;
Barne ala oskom maid,
gi læ bæste, gonagas;
Bassevuoiŋa ala maid
oskom, gi min basota
ja min jeđđe, suogjala.
3. Ačče min, gi almest læk,
Nammat basotuvvujus!
Bottus rikat lusamek!
Šaddus dattot ædnamest!
Adde laibe! vælge luoit’!
Ale luoite gaččat min,
mutto bæste bahast min!
4. Ačče, Bardne, Bassevuoigŋ’,
gi læk gasta bokte muo
rieǥadattam ođđasist,
væket littom doallat muo,
maid mon astast loppedim,
Satan mænoid biettalet,
osko šaddoid šaddadet!
5. Borat sillum, Jesusam,
ječad oǯin laibe sist!
Juǥat muo, o bæstačam,
ječad varain vine sist,
Vai mon suddost čovddujum
ja du jabmem muitam ain,
dassa albmai vieǯak muo!
(Guldb. 20. W. 317. Dansk. 375.)
Ibmelbalvvalusa loapatedin.
Nuotta: Sillum, læǥe arvok mielast.
Mel. Nu velan, vær frisk tilmode.
42. Jesus, bæste ja min Hærra,
divte vidot vidaset
ječad rika ædnam mietta!
Divtefastain uccanet
sævdnjadvuođa, værranus,
æppeosko, čagjadus!
Nuoskes ællem olbmui gaskast
divte gaiddat sanad oudast!
2. Osko, doaivo, rakisvuođa
adde min sist lassanet!
Sane dieđo, buttes oapa
divte sillui oudanet!
Adde ilo, rafhe sist
ællet juokke ovta mist,
dassa du, min soavatægje,
oaidnep almest Ače lutte!
(Ev. krist. 193. mielde.)
Rubmaš havdadedin.
Ječas nuotta: Hvo ved, hvor nær mig er min Ende.
43. Gi diett’, man lakka læ mu loappa
gæč, aigge manna jottelet,
ja fargarak dat šaddat matta,
go galgam dabe ærranet!
Mon Jesus diti, Ibmelam,
dust buore æro anotam!
2. Mu dille daidda nubbastuvvut
juo oudal bæivve nokkam læ;
Nuftgukka go mon dabe ælam,
mu birra jabmem gielak læk.
Mon Jesus diti, Ibmelam,
dust buore æro anotam!
3. Muo oapat Hærra jabmem smiettat
ja jamededin vuogjodet
mu sillum Jesus sarji sisa,
vai rafhe gavnam jabmem sist!
Mon Jesus diti, Ibmelam,
dust buore æro anotam!
4. Divt’ alme njalggesen læt munji
ja maïlme fast baččan læt!
Divt’ alo muo dam muitost adnet,
man havske audogasvuot’ læ!
Mon Jesus diti, Ibmelam,
dust buore æro anotam!
5. Mu suddoid govča, lađes Ačče,
du Barnad divras varaiguim!
Mon luotam Kristus ansašæbmai
ja ocam vuoiŋadusa dast!
Mon Jesus diti, Ibmelam,
dust buore æro anotam!
6. Go gastašuvv’jim čacin, vuoiŋain,
de Jesus dalle garvodim;
Muo arbmoi Ibmel gastast valdi
ja daǥai muo su mannanes.
Mon Jesus diti, Ibmelam,
dust buore æro anotam!
7. Muo Jesus oǯines ja varain
læ boratam ja juǥatam;
I muo son dalge vajaldatte,
son mu sist læ, ja mon su sist.
Mon Jesus diti, Ibmelam,
dust buore æro anotam!
8. De bottus dal mu ærrodibmo,
mu Jesus adna fuola must;
Su ruosain mon læm mærkašuvvum,
dal jabmem munji vuoitton læ!
Mon Jesus diti, Ibmelam,
dust buore æro anotam!
9. Su siste dal mu siello illod
ja stuora rafhin jamam mon;
Maid Ibmel dakka, dasa duđam
ja sudnji čavga oskom mon.
De Jesus diti, Ibmelam,
mu æro buorren daǥašik!
(Wexels. 179.)
Oudal gačadæme.
Nuotta: Kristus bođi Jordan dædnoi.
Mel. Kristus kom selv til Jordans Flod.
44. O boađe buorre Bassevuoigŋ’
du duojad min sist dugjot,
vai sadnai saje addep mi
ja vurkep dam min vaibmoi;
vai sadne dalle buttest min
ja sivned rafhe vaibmoi;
vai dabe juo ja almest mi
nuft bæssap særvest lavllot:
Læǥ’ gitum Ibmel! Amen.
(Wexels. 168.)
Maŋŋel gačadæme.
Nuotta: Mi šadda hætten migjidi.
Mel. Hvad kan os komme til for Nød.
45. Min vaibmoi cieggad Hærra ješ
du almest boattam oapad,
vai Ibmel balloi oappap mi
ja guoddep osko šaddoid;
Vai mielad mielde ællep mi,
ja buorrai ovto ouddanep
dam ragjai albmai bæssap!
(Dansk s. g. 370.)
Iđđedes Salmak.
Nuotta: Boađe sivnedægje Bassevuoiŋ’.
Mel. Kom Gud Skaber o Helligaand.
46. Dal noǥai erit sævdnjadas,
ja sagjai baci čuovgadas,
dal bæivaš muođos bajedi
ja čuovgas bevti migjidi.
2. Dal Hærra lekus gitujum
ja vaimolaǯat ramedum,
go suddost ja buok vahagest
muo ikko gatti armostes!
3. Mi nokkam leimek lossadet,
min Satan bivdi hævatet:
Du engelak, min Hærramek,
mist faktan legje birramek.
4. Si soajaiguim min govčade
ja baha vuoiŋa æstade;
Dam diti gitop Hærra fal
ja vaimost ramedekop dal!
5. Mi dudnji, Hærra, dorvastep
ja væke dust mi vainotep,
vai min dam bæive gattešik,
ja buokšlai hæđest bæstašik.
6. Min varjal erit vahagest
ja suddost, baha ællemest,
vai dudnji gudnen ællep mi
ja bæssap lusad almidi!
7. De juokkehaš ain aivefal
du halddoi addus ječas dal,
su hægas, akas, manaides
ja sidas, ælos, bærrašes!
8. Dal gitos lekus Ibmeli
ja gudne lekus Jesusi,
ja Bassevuigŋi ramadus,
gi hæđest læ min jeđđitus.
(Suom. b. s. g. 353).
Nuotta: Du njalga muittem Jesusam.
Mel. Jesu søde Ihukommelse.
47. Mon moridedin iđđedest
ja nokkadedin ækkedest
du bællai gæčam, Jesusam,
ja væke bivdam aldsesam.
2. Du arbmo askest, Jesusam,
mon olles rafhest vuoiŋadam.
Mu sielo, rubmaš, davveram
buok vaddoin varjal, Hærračam!
3. Du varra, Jesus, jeđđe muo
ja ilo adda vaibmoi juo;
Don gocedin ja oađedin
muo varjalak buok vahagin.
4. Go muo du engel goceta
ja soajaidesguim govčada,
de væltam mon buok vahagest
ja imge bala jabmemest.
5. Du oabmen væket bissot muo
ja du sist ællet, jabmet nu!
Ja maŋŋemusta armostad,
mu sielo vieǯa askasad!
(Suom. b. s. g. 351.)
Ækkedes salmak.
Nuotta: Min bællai jorget Hærramek.
Mel. Herre Jesu Krist dig til os vend.
48. Dal bæivaš læ juo luoitadam
ja čuovgasis mist čiekkalam;
Dal igja fastain lakkana
ja bæive čuovgas časkada.
2. O Ačče, du mon ramedam
ja Barnad bokte gitalam,
go muo don odne suogjalik,
ja buokšlai vaddoin varjalik.
3. Don muo læk odne varjalam
ja jabmemest muo lonestam
ja Satan bahas betlusin
ja gæččalusain, vahagin.
4. Du nammi, Ačče almalaš,
dal gitos lekus aǥalaš!
Maid læm du vuostai suddodam,
dam andagassi anotam.
5. I ædnam ald læk oktagen,
gi gavdnu suddost buttesen:
Mu suddoidam mon dovdastam
ja stuora armod mainašam.
6. Mon rikkomidam dovdastam
ja gađam vaimost suddoidam;
Muo šuokkem armost gulašik
ja suddoid munji luoitašik!
7. Dam ija mu lut orušik!
ja engel bokt muo gattešik,
vai suddoi im mon gaččašë
ja hæppad vuollai šaddašë!
8. Muo adde rafhest vuoiŋastet
ja dærvvan fastain moridet,
vai ilolaǯat, Ibmelam,
du aǥalaǯat ramedam!
(Suomagiel. b. s. g. 368).
Ječas nuotta: Nu velan, vær frisk tilmode.
49. Sillum, læǥe arvok mielast,
lavlo gitos Ibmeli
buok dam buorrevuođa oudast,
maid son dudnji čajeti!
Dassači læ Ibmelam,
alorak muo rakistam,
gattim muo buok vaddoin, heđin,
bæstam erit Satan firmin.
2. Dudnji gitosa mon lavlom,
lađes arbmo ačačam,
ja du ramedet dal datom,
go don armolaǯat dam
bæive noađe gæpedik
ja muo suddost gattijik,
vašalaǯa erit caggik
ja du rafhad munji addik.
3. Buok du buorek, Ibmelæmek,
dak læk lokkamættomak,
don ješ dieđak darbašæmek
ja min biemak, bivtastak!
Migjidi don armostad
addak arbmolaihidad,
vaiko moarad ansašep mi
ædnag suddoidæmek diti.
4. Adde andagassi armost
odna bæive rikkosa,
maid mon dakkim ædnag dafhost,
daina Satan avvoda;
Dam son halid saggarak,
atte munji vašaskak;
Mutto rakis Barnad diti,
Ačče, læǥe lađes munji!
5. Dal dat bæivve læ fast vassam,
bæivaš baittem guođđam min,
ja dam sagjai læ fast boattam
sevdnjis igja čoaskemin:
Arbmo čuovgad, Ibmelam,
adde čuovggat sillusam,
ja mu vaimo rievtoi cakket
ælle rakisvuođast buollet!
6. Divte rafhest muo dam ija
oađđet njalgat, Ibmelam,
loaktet aiggam morraštaǥa
ječad askest, Ačačam!
Dal mu sillum, bærrašam
mon du halddoi aibas addam
ja du gitti ravvim, Hærram!
7. Min dam ija suddost varjal
ja buok ællem aiggamek,
ja mist vaddoid erit jorggal!
Sillumek ja hæggamek,
gatte fakkis jabmemest,
rottodavdast, vahagest!
Divte juokke viesost, Ibmel,
armod rađđit buokai bagjel!
8. Armostad, o Ačče, adde
dam, maid dust mon anotam!
Jesus, munji dorvvon boađe,
ja muo væket, Hærračam!
Bassevuoigŋa arbmogas,
jeđđijægje lađeslaš,
dal mu rokkadusa gullus,
Amen, dat nuft ainas šaddus!
(Wexels. s. 659. Suom. o. s. g. 671.)
Ječas nuotta: Nu hviler Mark og Enge.
50. Dal vuoiŋad ænam, giedde
ja buokak mannek sengi
ja ribmek vuoiŋadet:
Mu siello ja mu njuovča
vel galgaba dal lavllot
min sivnedægjai ramadus!
2. Dal bæivaš erit javkka
ja čuovggasis mist čiekka,
ja igja boatta fast;
Mutt’ Jesus armos čuovgain
mu sielo, vaimo čiŋat,
ja læ mu čuovgas ija sist.
3. Gæč, bæivve læ juo javkkam
ja ollo nastek ittam
læk alme aleki!
Nuft Jesus muoge hærvat,
go lusas muo son ravkka
dam ællem moraš læǥe sist.
4. Dal biktasidam nuolam
ja sengi alas manam:
Nuft vuolgam jamedin,
ja oskom oaǯǯot galgam
fast alme čiŋaid alam,
go Kristus bajas bokta muo.
5. Mu oaivve, gieđak, juolgek
læk ilost, go dal noǥai
mu barggo, bivastak.
Mu siello, avod! oktë
i galga ædnam vaivve
šat rubmaš mulddi sojatet.
6. Mu vaibbam lattok, mannet
ja vuoiŋadusa valddet
dam lidna sænga sist!
Dat aigge farga boatta,
go gisto dakkut galgga
din oađđem sagjen ædnam sist!
7. Dal bijam čalmid gidda,
O Jesus, armod luoika,
vai lifčim dorvod sist!
O Hærra, valde vuorkkai
mu sielo, rubmaš suogjai,
don čalbme bagjel Israel!
8. O Jesus, don mu illo,
du soajaid lebbe alam
ja govča daiguim muo!
Jos Satan birrastatta
muo, de du engel celkkus:
„Divt’ rafhest Ibmel mana læt!“
9. Di fuolkek, ustebidam,
din lutte lekus Ibmel,
gost læǯǯabetet di!
Son vuoiŋadet din addus
ja čabba nieǥoid oaidnet
su engelides soajai vuold!
(Wexels. 462. Suom. b. s. 374.)
Hærra rokkus salbma.
Ječas nuotta: Fader vor udi Himmerig.
51. Min ačče alme rikast, gi
min goččuk ællet vieljačen
ja viššalvuođain čuorvvot du!
Ja don min gullat loppedik,
go vaimost rokkadallap du,
ja æpge dušše njalmin fal.
2. Du namma basotuvvujus!
Divt sanad čuogjat buttaset!
Ja adde basse ællem sist
min ovto gudnijattet du!
Buok værre oapa cuvkišik!
Ja jorggal min, go čagjedep!
3. Du rika bottus lusamek,
vai illoi šadda vaibmomek!
Min Bassevuoigŋa jeđđijus,
ja oskoi min ain nannijus!
O ačče! varjal girkod ain
ja duššad satan dujid buok!
4. Du datto šaddus ædnamest,
moft šadda bagjen alme sist!
O daǥa gierdavaǯǯan min,
go hætte dillai šaddap mi!
Buok oaǯe himoid časkad mist,
mak suddoidi min oǯudek!
5. O adde migjid’, aččamek,
min juokke bæive laibbamek!
Buok ridoin erit gatte min
ja davdain, nælgest, vahagin!
Ja varjal hanesvuođast min!
Ja adde rafhest ællet min!
6. Buok vælge luoite migjidi,
vai siello rafhe oǯuši!
De velgolaǯaidasamek
mi luoittep, maid si rikkom læk.
Min væket særvest angeret
du rakisvuođain balvvalet!
7. Go gæččalussi šaddap mi,
de væket min, vai bissop mi!
Ja doarjal min du gieđainad,
ja suogjal min du vuoiŋainad,
vai satan juonaid bagjel mi
du bokte vuoittep ollasi!
8. Buok bahast erit bæste min,
ja væket, heđin, bahagin!
Min lutte læǥe jamedin
ja daǥa audogassan min!
Go vuoigŋa muoldast ærrana,
de valde dam du giettasad!
9. Du rika aǥalaǯat læ,
du gieđast fabmo, gudne læ;
Du sane ala oskop mi,
don gulak rokkus vissasi,
dam ala amen gælkkep mi
dal Jesus basse namači!
(Wexels. 358 G. 36).
Gattamuš salbma.
Nuotta: Mi šadda hætten migjidi.
Mel. Hvad kan os komme til for Nød.
52. Gæč armoin munji vuolas deik,
buok lađesvuođa ačče!
Muo muite arkalmastemin,
ja luoite buok mu suddoid!
Du bakkom’ vuostai dakkam læm:
O siko erit rikkomam,
ja læǥe munji lađes!
2. Mon littom duina doagjam læm,
don alla, basse Ibmel!
dat jurda dal muo baldeta,
go suddo alam vaiddal;
mu oamedovddo raddestam
su jenas bajed čuogjalet
ja muitot munji duomo.
3. Gost čiekka saje gavnam mon?
gost gavnam vuoiŋadusa?
Mon suddost erit battaram
du særvvevutti, Ibmel!
Du sane gullat dattom mon,
gi jægad dam ja osko dam,
son manna buoreb guvllui.
4. Gæč armoin gattamuššasam,
mu aiggomuša ouded,
ja Jesus Kristus rafhe divt’
mu sielo arvosmattet;
mu rokkus gula ačačam,
du rakis barnad, Jesusam
ja Hærram diti, Amen!
(Dansk. 425. Ev. krist. 260).
Rokkus go olmuš aiggo mannat girkkoi gullam diti Ibmel sane.
Buokvæǥalaš ja vaibmolađes IBmel, gæn sadne læ gintal min julgi oudast ja [ 78 ]čuovgas min balgga alde; Mon rokkadalam dust, vai don addašik munji du Bassevuoiŋad, gutte matta bajasčuvggit mu vaimo, vai mon matam čielgaset arvvedet du audogas sane ja dam vuostaivalddet ja vurkkit buttes vaibmoi ja ođasmattujuvvut dam bokte du nammi gudnen Jesus Kristus du Barne diti, gutte læ loppedam migjidi su Bassevuoiŋas, vai son doalvvo min buok duottavutti ja bajasčuvgge min vaimoid su ibmelvuođas baittemin ja čuovggasin, Amen.
Rokkus, mi lokkujuvvu oudal go ibmelbalvvalus algatuvvu.
Hærra! mon læm boattam dam du vieso sisa gullam diti, maid don Ibmel Ačče mu sivnedægje, don Hærra Jesus mu bæste, don gælbolaš Bassevuoigŋa mu jeđđijægje ælededinam ja jamededinam, aigok munji sardnot. Hærra! ravast dal du Bassevuoiŋad bokte Jesus Kristus diti mu vaimo, vai mon matam sarnest oappat morraštet mu suddoidam ja ælededin ja jamededin oskot Jesus ala, ja juokke bæive basse ællemi ja ællemgærddai [ 79 ]ječčam buoredet. Dam gullus ja dakkus Ibmel Jesus diti! Amen.
Rokkus, go pappa manna sardnestulloi.
Mon rokkadalam dust, rakis Hærra Ibmel, vai don addašik munji du Bassevuoiŋad, vai mon matašim arvedet du basse sane dam rievtes mavso mielde, ja im dušše fal dam gullat, lokkat ja vuostaivalddet mu vaibmosam, mutto maida vurkkit dam, dudnji Ibmel! maidnomen ja gudnen, ja munji aldsesam buoradussan, jeđđitussan ja osko nannijubmen, vai mon du armo bokte matam læt buorre bælddo ja ænam, man sisa du ibmelvuođa gilva gačča, ruotastuvva, šadda ja šaddad šaddoid gierdavašvuođa siste aǥalaš ællemi, Amen.
Rokkus maŋŋelgo ibmelbalvvalus læ loapatuvvum.
Hærra! mon gitam du obba vaimostam, go don dal læk oapatam munji, maid don datok, atte mon galgam oskot [ 80 ]ja dakkat. Væket dal muo, mu Ibmelam, du Bassevuoiŋad bokte, Jesus Kristus diti, vai mon vurkim du sane buttes vaibmoi, dam bokte oskoi nannijuvvum ja basse ællemgærddai buoreduvvum ja ælededin ja jamededin dam bokte ječčam jeđđim, Amen.
Ibmel, gutte ješ læ algatam dam buore din siste, son ollasuttaši dam vela ain min Hærramek Jesus Kristus bæivvai, ja son bajasdoalaši din nanna ja ælle oskoi gidda loapa ragjai Jesus Kristus diti! Amen.