Na ciantia per l Primiziant
Na ciantia per l Primiziant.
Ie ve salude, bon Seniëur Primiziant!
Chësc ie per nëus n gran di sant,
Na gran legrëza iel per duc, nce per me,
Chësta gherlanda ie pudëi ve prejenté.
Vo fais ënghe n tel pitl mut,
Y śën sëis chël che vel l plu de dut.
Sëis chël che fej mpede Die;
Gejù à dit: "L ie sciche fosse ie."
Na sëul' parola l fej unì sun nosc autere.
Tan ubedient sciche n iede a si pere;
Da iló po, — bona jënt, pensëde —,
Te mi pitl cuer chësc l prim iede.
Po tanc ncuei y damoinlà
Chësta grazia per vosta mans giaterà,
Y l perdon de si picëi a trueps sarà dat,
Ah, cie gran cossa che Idie de Vo à fat!
L bon Seniëur per chësc sibe laudà y rengrazià,
Vo drët de cuer da nëus congratulà,
La santa benedescion prions per dui canc
Acioche Vo y nëus unions n di sanc.