Na nowe lěto
| nadpis | Na nowe lěto |
|---|---|
| awtor | Fryco Rocha |
| lěto | 1913 |
| žrědło | Wosadnik, No 1/1913 |
| licenca | public domain |
| nota | nowy pšawopis |
We Jezusowem mjenju!
Do noweg lěta źo.
Groń amen ty zas k tomu,
Wośc swěrny wusoko!
Kśěł moc nam zas pśichyliś
A pšawu wěru how
Do našych smugow stawiś
Tež dobrych ryśarjow.
Gdyž w lubosći my twojej
Pšec twardo stojimy
We tužycy my swojej
Se nicog njebojimy,
Ty sy nas wužognował
Z twojogo syna kšej
A sy nam pśigotował,
Což dobre byś nam dej.
Ty coš nas pśewoźowaś,
Wote dnja ku dnju pasć,
Coš za nas tež wojowaś
A našo brěmje njasć.
Tog banaŕ, ten se zmawaj
Na droze dobyśa;
Z tym poznaj se a wołaj:
"Lej, z Bogom doprědka!"