Nadal carin el vitg alpin

by Maurus Carnot

Nadal carin el vitg alpin

Bass' e pintg' ei la baselgia
Enamiez nies car vitget,
E siu pli custeivel scazi
Ei siu pauper altratet;
5Sigl altar stat il pursepen,
Nossadunna, siu sogn spus,
Dretg, seniester bov ed asen
Ed in tschut bufatg e prus.

Da Nadal jeu hai fatg Messa
10Leu cul ministrant Paulin,
Ella sontga blada alva
Hai jeu giu il car Bambin.
Tut beaus o ventirievels,
Jeu hai tonaton giu grev:
15Ah, cheu anfl' il bien Salvadar
Tut schi pauper, pign e lev.

Sin mes mausn pusond la fatscha,
Level jeu da cor urar,
Hai anflau mo quei, nuot auter:
20Pli zaclin- e ton pli car!
Lu s'ei stau, sco sche in aunghel,
Tut misteris, da bass,
Ch'il Paulin nuotzun udeva,
Si per mei quei raquintass:

25„Jeu sun staus er in dils aunghels
Stai tarmess a Betlehem
Giu sin vossa paupra tiara,
Quella steila leu guidem.
Hei, sper via stevan steilas,
30Tschiens e mellis e milliums,
Pli vengonozas dil Salvader,
Tut sco sper la mar sabluns.”

„Vossa tiara ei sci pintga,
Ch'ella sto seturpegiar;
35E sin questa paupra tiara,
Nu' ei Betlehem d'anflar?
En carvorgias, denter greppa,
Aunc dado quels paupers mirs
Stat la stalla cul pursepen,
40Gnanc il tetg ei pli entirs.“

„Olma cara, quei patratga!
Lu vegn gronds tiu car vitget,
Gronda vegn la baselgetta,
Tonsch' en tschiel cugl altaret.”
45Quei ha detg a mi igl aunghel
Da Nadal dil car Bambin.
Consolaus sun ius a casa,
Jeu cul ministrant Paulin.