Nel ester

by Gian Fadri Caderas

[ 78 ]

Nel ester.

Daspera'l chamin eau tschantaiva;
Il fö eira quasi stüzzo,
Duos chöttels la tschendra zuppaiva;
Il di eira bod tramunto.

Dad our spessa plövgia crudaiva;
Il tschüvel da vent lamentus;
Dad esser dalöntsch m'increschaiva.
La plövgia crudaiva sgrischus.

Daspera'l chamin eau tschantaiva;
Ils chöttels sun tschendra dvantos.
In tschendra la spraunza crudaiva,
Darcho da revair mieus amos.

1877.